खडकवासला धरणातून पाणी सोडण्यास सुरुवात

पुणे –  खडकवासला धरण पूर्ण भरत असल्याने सोमवारी (16 जुलै) सकाळी ८ वाजता मुठा नदीत पाणी सोडण्यास सुरुवात करण्यात आली आहे. दहा वाजता धरणातून ३ हजार ४३४ क्युसेस पाणी सोडण्यात येत आहे.

गेले काही दिवस पुणे शहराला पाणीपुरवठा करणाऱ्या खडकवासला धरण साखळी परिसरात जोरदार पाऊस होत असल्याने चारही धरणात मोठ्या प्रमाणावर जलसाठा होत आहे. रविवारी खडकवासला धरण ९१ टक्के भरले होते़. त्यानंतर धरणातून पाणी सोडण्याचा निर्णय घेण्यात आला. सकाळी ८ वाजता धरणाचे दोन दरवाजे एक-एक फुट उचलून नदीत सुरुवातीला १७१२ क्युसेस पाणी सोडण्यात आले. त्यानंतर सकाळी १० वाजता आणखी दोन दरवाजे एक-एक फुट उचलण्यात आले़ असून धरणातून नदीत आता ३ हजार ४३४ क्युसेस पाणी सोडण्यात येत आहे.