‘तेव्हा मी लोकप्रियतेत धोनीला मागे टाकेन’; प्रशांत किशोर यांचं विधान चर्चेत
Prashant Kishor | जनसुराज पक्षाचे सुत्रधार प्रशांत किशोर यांनी मोठी घोषणा केली आहे. त्यांनी आपण २०२६ च्या विधानसभा निवडणुकीत अभिनेता-राजकारणी विजय ‘तमिझगा वेत्री कळघम (TVK)’ पक्षाला विजय मिळवून देऊ असे किशोर म्हणाले आहेत. महाबलीपुरम येथे टीव्हीकेच्या पहिल्या वर्धापन दिनाच्या कार्यक्रमात प्रशांत किशोर यांनी ही घोषणा केली. तसेच, आपण महेंद्र सिंह धोनी याला प्रसिद्धीमध्ये मागे टाकू असंही म्हटलं.
प्रशांत किशोर म्हणाले, की तुम्ही पाहाता की एमएस धोनीच्या नावाची खूप चर्चा होते. तो एकमेव बिहारी आहे जो तामिळनाडूमध्ये माझ्यापेक्षा जास्त लोकप्रिय आहे. धोनी तामिळनाडूमध्ये प्रशांत किशोरपेक्षा जास्त लोकप्रिय आहे, पण गल्लत करू नका, पुढच्या वर्षी, जेव्हा मी योगदान देईल आणि तुम्हाला जिंकण्यास मदत करेन, तेव्हा मी लोकप्रियतेत धोनीला मागे टाकेन.
हेही वाचा : मराठी भाषा गौरव दिन: चला, जपूया आपली मायमराठी!
जर मी पुढच्या वर्षी टीव्हीकेला विजयी होण्यास मदत केली तर तमिळनाडूमध्ये कोण जास्त लोकप्रिय असेल? दरवेळी चेन्नई सुपर किंग्जला जिंकवून देणारा माझा बिहारी सहकारी एमएस धोनी की प्रशांत किशोर? मला जिंकण्यासाठी माझी स्वत:ची लढाई आहे. त्यासाठी मला तामिळनाडूमधील सर्वात लोकप्रिय बिहारी बनावे लागेल. म्हणून मला चेन्नई सुपर किंग्ज संघाला जिंकवणाऱ्या धोनीशी स्पर्धा करावी लागेल. म्हणून मी टीव्हीकेला तुमच्या नेत्यांच्या नेतृत्वाखाली जिंकवेन, असं प्रशांत किशोर म्हणाले.
माझ्यासाठी ते (विजय) राजकीय नेते नाहीत. तो तामिळनाडूसाठी एक आशा आहे, त्यामुळेच मी इथे आलो आहे. टीव्हीके हा माझ्यासाठी राजकीय पक्ष नाही. एक लाखो लोकांची चळवळ आहे ज्यांना तामिळनाडू मध्ये नवीन राजकीय व्यवस्था पाहायची आहे, असंही प्रशांत किशोर म्हणाले.
महाईन्यूज-X वर फॉलो करा : महाईन्यूजला instagram वर फॉलो करा
