breaking-newsताज्या घडामोडीमहाराष्ट्रमुंबईराजकारण
एकनाथ शिंदेना मिळणार मुख्यमंत्रिपद, भाजपची खेळी; आता उद्धव ठाकरेंची भूमिका कशी असेल?
![एकनाथ शिंदेना मुख्यमंत्रिपद, भाजपची खेळी; आता उद्धव ठाकरेंची भूमिका कशी असेल?](https://mahaenews.com/wp-content/uploads/2022/06/एकनाथ-शिंदेना-मुख्यमंत्रिपद-भाजपची-खेळी-आता-उद्धव-ठाकरेंची-भूमिका-कशी.jpg)
मुंबई : राज्यपाल भगतसिंह कोश्यारी यांची भेट घेतल्यानंतर देवेंद्र फडणवीस, एकनाथ शिंदे, चंद्रकांत पाटील यांच्यासह भाजप नेत्यांनी पत्रकार परिषद घेतली. या पत्रकार परिषदेत देवेंद्र फडणवीस यांनी राज्याचे नवे मुख्यमंत्री एकनाथ शिंदे होणार असल्याचं जाहीर केलं आहे. आता थेट एकनाथ शिंदे यांना मुख्यमंत्री करण्याचा निर्णय भाजपनं घेतल्यानं उद्धव ठाकरेंपुढे कोणती भूमिका घ्यायची असा पेच निर्माण झाला आहे. शिवसेनेची पुढील भूमिका नेमकी कशी असेल? १६ आमदारांविरोधात करण्यात आलेली कारवाई शिवसेनेची पुढील वाटचाल याबाबत उद्धव ठाकरेंच्या निर्णयाकडे लक्ष लागलं आहे.
उद्धव ठाकरे यांनी काल मुख्यमंत्रिपदाचा राजीनामा दिल्यानंतर सोशल मीडियात सहानुभूतीची लाट निर्माण झाली होती. बाळासाहेब ठाकरे यांनी शिवसैनिकाला मुख्यमंत्री करण्याचं स्वप्न पाहिलं होतं. एकनाथ शिंदे यांच्या बंडानंतर उद्धव ठाकरेंनी मुख्यमंत्रिपद मिळणार असेल तर खुशाल जावा, असं म्हटलं होतं. आदित्य ठाकरे, संजय राऊत यांनी सेनेतून बंडखोरी करणाऱ्या आमदारांविरोधात आक्रमक भूमिका घेतली होती. सेनेतील आमदार भाजपनं फोडले, भाजप या बंडामागं असल्याचा आरोप करण्यात येत होता. आता थेट भाजपनं एकनाथ शिंदे यांना मुख्यमंत्रिपद दिल्यानं उद्धव ठाकरेंसमोर नवा पेच निर्माण झाला आहे.
- शिवसैनिक मुख्यमंत्री, उद्धव ठाकरेंपुढे पेच