गोव्यात भाजपला आणखी धक्का! माजी मुख्यमंत्री पार्सेकरांनीही केला ‘रामराम’
![Another blow to BJP in Goa! Former Chief Minister Parsekar also said 'Ram Ram'](https://mahaenews.com/wp-content/uploads/2022/01/parsekar_goa_bjp.jpg)
गोवा | टीम ऑनलाइन
गोवा विधानसभा निवडणूक जवळ येत असतानाच भाजपला दोन दिवसांत दोन मोठे धक्के बसले आहेत. माजी मुख्यमंत्री आणि केंद्रीय मंत्री मनोहर पर्रिकर यांचे पुत्र उत्पल पर्रिकर यांनी भाजपला रामराम केल्यानंतर आता माजी मुख्यमंत्री लक्ष्मीकांत पार्सेकर यांनीही भाजपतून बाहेर पडणार असल्याची घोषणा केली आहे.
गोवा विधानसभा निवडणूक तोंडावर असताना भाजपला लागोपाठ दोन झटके बसले आहेत. उत्पल पर्रिकर यांनी भाजपतून बाहेर पडून अपक्ष निवडणूक लढवण्याचा निर्णय घेतल्यानंतर आता माजी मुख्यमंत्री लक्ष्मीकांत पार्सेकरांनी भाजप सोडली आहे.
लक्ष्मीकांत पार्सेकर यांनी राजीनामा दिला असून, पार्सेकरही अपक्ष म्हणून निवडणूक लढवणार आहेत.
लक्ष्मीकांत पार्सेकर यांनी निवेदन प्रसिद्ध केलं आहे. ‘आपण अनेक वर्षापासून भाजप सदस्य राहिलो आहे. पण मला दुर्लक्षित केलं गेलं. त्यामुळे मी आता या पक्षात राहू शकत नाही. मी ही निवडणूक अपक्ष म्हणून लढवणार आहे. काही दिवसांत याची औपचारिक घोषणाही करेन,’ असं लक्ष्मीकांत पार्सेकर यांनी म्हटलं आहे.