एसटी महामंडळ आणि इंडियन ऑईल यांच्यात सामंजस्य करार, लवकरच पेट्रोल-डिझेलची विक्री- परिवहन मंत्री अनिल परब
मुंबई: एसटी महामंडळ लवकरच सर्वसामान्य लोकांसाठी पेट्रोल आणि डिझेल पंप सुरु करणार आहे, अशी घोषणा परिवहन मंत्री आणि एसटी महामंडळाचे अध्यक्ष अनिल परब यांनी केली. प्रवासी वाहतुकीव्यतिरिक्त एसटी महामंडळाचे उत्पन्न वाढवण्याच्या दृष्टीने हा निर्णय घेतलेला आहे. आज सह्याद्री येथे परिवहन मंत्री यांच्या प्रमुख उपस्थितीमध्ये एसटी महामंडळ आणि इंडियन ऑईल यांच्यात सामंजस्य करार करण्यात आलेला आहे.
या सामंजस्य करारानुसार भविष्यात राज्यातील एसटी महामंडळाच्या मोकळ्या जागेवर 30 ठिकाणी पेट्रोल-डिझेलपंप सुरु केले जातील. तर 5 ठिकाणी एल.एन.जी.पंप (liquified Natural Gas) सुरु करण्यात येणार आहे. हा पेट्रोल-डिझेलपंप/ एल.एन.जी.पंप इंडियन ऑईलकडून बांधण्यात येणार आहेत. तर त्याचे संचालन एसटी महामंडळाकडून करण्यात येणार आहे.
प्रवासी वाहतुकीव्यतिरिक्त एसटी महामंडळाचे उत्पन्न वाढविण्याच्या दृष्टीने उत्पन्नाचा नवा स्त्रोत म्हणून एसटी महामंडळ लवकरच सर्वसामान्य लोकांसाठी पेट्रोल आणि डिझेलपंप सुरु करणार आहे. त्यासाठीचा सामंजस्य करार आज एसटी महामंडळ आणि इंडियन ऑइल यांच्यात करण्यात आला. pic.twitter.com/0lVtIUz1gf
— Anil Parab (@advanilparab) August 18, 2020
