नवी सांगवीत ‘धनुष्यबाणाची’ गर्जना; स्थानिक उमेदवारांच्या पाठीशी मतदारांचा खंबीर निर्धार!
महिला सक्षमीकरण आणि स्थानिक विकासाचा नारा; शिवसेना (धनुष्यबाण) पॅनेलची प्रचारात मोठी आघाडी
पिंपरी चिंचवड : पिंपरी-चिंचवड महानगरपालिकेच्या सार्वत्रिक निवडणुकीचा धुरळा उडाला असून, नवी सांगवी प्रभाग क्रमांक ३१ मध्ये शिवसेनेच्या (धनुष्यबाण) उमेदवारांनी प्रचारात जोरदार मुसंडी मारली आहे. “नवी सांगवीचा एकच निर्धार, नवी सांगवीचाच उमेदवार” अशा घोषणांनी संपूर्ण प्रभाग दणाणून गेला असून, स्थानिक उमेदवारांना मतदारांचा उत्स्फूर्त प्रतिसाद मिळत आहे.
घरोघरी जाऊन मतदारांशी संवाद
शिवसेना पॅनेलच्या चारही उमेदवारांनी प्रभागातील मतदारांच्या प्रत्यक्ष भेटीगाठी घेण्यावर भर दिला आहे. “आम्ही जरी निवडणूक पहिल्यांदा लढवत असलो, तरी याच मातीतील स्थानिक रहिवासी आहोत. नगरसेवक पद नसतानाही गेली नऊ वर्षे आम्ही जनसेवेची कामे केली आहेत, त्याची पोचपावती जनता आम्हाला नक्कीच देईल,” असा ठाम विश्वास उमेदवारांनी यावेळी व्यक्त केला. २४ तास उपलब्ध असणारा लोकप्रतिनिधी हवा, या भावनेतून नागरिकांनीही उमेदवारांना आशीर्वाद दिले.
महिलांच्या हाताला काम; बचत गटांचे सक्षमीकरण
प्रचारादरम्यान महिलांशी संवाद साधताना महिला उमेदवारांनी रोजगारावर विशेष भर दिला. “महिलांना आर्थिकदृष्ट्या स्वावलंबी करण्यासाठी आम्ही बचत गटांच्या माध्यमातून घरबसल्या रोजगार उपलब्ध करून देऊ. प्रभागात ठिकठिकाणी सेमिनार आयोजित करून महिलांच्या हाताला काम मिळवून देणे आणि त्यांच्या सुरक्षिततेला प्राधान्य देणे, हे आमचे मुख्य ध्येय आहे,” असे मत महिला उमेदवारांनी व्यक्त केले.
हेही वाचा – नागपूर – चंद्रपूर प्रवास लवकरच दोन तासांत; सुधारित संरेखनानुसार पर्यावरणीय मंजुरीसाठी प्रस्ताव सादर
तरुणांचा जल्लोष आणि ज्येष्ठांचा आशीर्वाद
प्रचार फेरीमध्ये तरुणांचा सहभाग लक्षणीय होता. तरुणांनी दाखवलेला उत्साह आणि ज्येष्ठ नागरिकांनी दिलेला पाठिंबा पाहून उमेदवार भारावून गेले होते. आचारसंहितेचे पूर्ण पालन करत ठिकठिकाणी कोपरा सभा घेऊन उमेदवारांनी आपला विकास आराखडा मतदारांसमोर मांडला. “हा शिवसेनेचा पारंपरिक बालेकिल्ला असून, यंदाही येथे भगवाच फडकणार,” असा विश्वास कार्यकर्त्यांनी व्यक्त केला.
शिवसेना (धनुष्यबाण) पॅनेलचे अधिकृत उमेदवार:
(अ) मनिषा आश्विन खुडे (अनुसूचित जाती)
(ब) प्रशांत बबनराव कडलग (नागरिकांचा मागासवर्ग)
(क) आरती संभाजी भेगडे (सर्वसाधारण महिला)
(ड) मेघराजराजे सिध्दार्थ लोखंडे (सर्वसाधारण)
मतदारांना आवाहन
प्रभागाच्या सर्वांगीण विकासासाठी आणि विश्वासासाठी गुरुवार, दि. १५ जानेवारी २०२६ रोजी सकाळी ७:३० ते सायंकाळी ५:३० या वेळेत ‘धनुष्यबाण’ या चिन्हासमोरील बटन दाबून शिवसेनेच्या चारही उमेदवारांना प्रचंड बहुमताने विजयी करण्याचे आवाहन पॅनेलच्या वतीने करण्यात आले आहे.
बचत गटांच्या माध्यमातून महिलांना रोजगाराची ग्वाही स्थानिक समस्या सोडवण्यासाठी ठोस कृती आराखडा. २४ तास उपलब्ध राहणारा स्थानिक लोकप्रतिनिधी देण्याचा संकल्प.
