पिंपरी-चिंचवड: परिक्रमा आर्ट्स, कॉमर्स, सायन्स आणि इंजिनिअरिंग कॉलेज (काष्टी, श्रीगोंदा) येथे आयोजित करण्यात आलेल्या शालेय विभागीय युनिफाईट स्पर्धेत पिंपरी-चिंचवड येथील ‘न्यू इंग्लिश मीडियम स्कूल’ च्या विद्यार्थ्यांनी घवघवीत यश संपादन केले आहे. शाळेतील एकूण पाच खेळाडूंनी या स्पर्धेत आपली छाप पाडली असून, त्यापैकी तीन खेळाडूंची पनवेल येथे होणाऱ्या राज्यस्तरीय स्पर्धेसाठी निवड झाली आहे.
विभागीय स्तरावर झालेल्या या चुरशीच्या स्पर्धेत न्यू इंग्लिश मीडियम स्कूलच्या विद्यार्थ्यांनी खालीलप्रमाणे यश मिळवले:
उत्तम भाटी: प्रथम क्रमांक (सुवर्ण पदक)
ऋषिकेश हाके: प्रथम क्रमांक (सुवर्ण पदक)
चिन्मय मस्के: प्रथम क्रमांक (सुवर्ण पदक)
भाग्यश्री गायकवाड: तृतीय क्रमांक (कांस्य पदक)
कार्तिक गावडे: तृतीय क्रमांक (कांस्य पदक)
हेही वाचा – एमआयटी कॉलेजमध्ये निवेदन व सूत्रसंचालन कार्यशाळा संपन्न
प्रथम क्रमांक पटकावणाऱ्या उत्तम भाटी, ऋषिकेश हाके आणि चिन्मय मस्के या तिघांची आता पनवेल येथे होणाऱ्या राज्यस्तरीय स्पर्धेसाठी निवड झाली आहे. या सर्व खेळाडूंना शाळेचे क्रीडा शिक्षक यशवंत माने आणि संदीप माने यांचे मोलाचे मार्गदर्शन लाभले. त्यांच्या मार्गदर्शनाखाली विद्यार्थी नियमित सराव करत आहेत.
विद्यार्थ्यांच्या या यशाबद्दल संस्थेचे अध्यक्ष श्री. विजय पवार, सचिव श्री. अशोक मोरे, खजिनदार सौ. सुरेखा पवार तसेच शाळेच्या मुख्याध्यापिका विद्या नाईक मॅडम व नायगम अग्निस मॅडम यांनी खेळाडूंचे विशेष कौतुक केले. पिंपरी-चिंचवडमधील सामाजिक, क्रीडा आणि राजकीय क्षेत्रातील मान्यवरांसह शाळेतील शिक्षक व शिक्षकेतर कर्मचाऱ्यांनी विजयी खेळाडूंवर अभिनंदनाचा वर्षाव करत पुढील वाटचालीस शुभेच्छा दिल्या आहेत.
महाईन्यूज-X वर फॉलो करा : महाईन्यूजला instagram वर फॉलो करा
”आमच्या शाळेच्या विद्यार्थ्यांनी विभागीय स्तरावर मिळवलेले हे यश अत्यंत कौतुकास्पद आहे. खेळाडूंनी घेतलेली मेहनत आणि प्रशिक्षकांचे मार्गदर्शन यामुळेच हे यश शक्य झाले आहे. ग्रामीण आणि शहरी भागातील खेळाडूंना व्यासपीठ मिळवून देणे हा आमच्या संस्थेचा मुख्य उद्देश आहे. राज्यस्तरीय स्पर्धेसाठी पात्र ठरलेल्या खेळाडूंना माझ्याकडून आणि संस्थेकडून खूप खूप शुभेच्छा.”
— श्री. विजय पवार (संस्थापक, न्यू इंग्लिश मीडियम स्कूल)
