पिंपरी-चिंचवड आयुक्त कृष्णप्रकाश यांनी मारला हुक्का पार्लरवर छापा
![Pimpri-Chinchwad Commissioner Krishnaprakash raids Marla Hookah Parlor](https://mahaenews.com/wp-content/uploads/2022/01/mumbaitak_2022-01_690ab2a9-e1be-49e2-9636-c7bcb6f5f892_kek.png)
पिंपरी | प्रतिनिधी
नवीन वर्षाच्या स्वागतादरम्यानच पिंपरी-चिंचवड शहराचे पुलिस आयुक्त कृष्णप्रकाश यांनी हुक्का पार्लरवर छापा मारला आहे. हिंजेवडी परिसरात खुलेआम सुरू असलेल्या H2O नावाच्या या हुक्का पार्लरवर कृष्णप्रकाश यांनी ही छापेमारी केली.
हा पार्लर हर्बल हुक्का पार्लरच्या नावावर अवैध पद्धतीने हा अनेक दिवसांपासून सुरू असल्याची माहिती कृष्ण प्रकाश यांना मिळाली होती. अखेर थर्टी फस्टच्या दिवशी कृष्ण प्रकाश यांनी छापा मारुन बऱ्याच प्रमाणात हुक्का आणि इतर वस्तू जप्त केल्या.
हर्बल हुक्का पार्लरच्या नावाने सुरू असलेल्या या पार्लरमध्ये अनेक ग्राहक तंबाखूयुक्त हुक्क्याच्या स्वाद घेत असतानाच आयुक्त कृष्णप्रकाश यांनी आपल्या टीमसह इथे छापा मारला. यावेळी हजारो रुपयांचे तंबाखूयुक्त फ्लेवर्स व हुक्का पॉट ही पोलिसांनी घटनास्थळावरून जप्त केले. पहाटे उशिरापर्यंत ही कारवाई अशीच सुरू होती.