कोरोना बाधित रुग्णांना निकृष्ट जेवण पुरविणा-या ठेकेदारांना ‘स्थायी’ सभापतीची बक्षिसी

स्थायी समितीने गुरुवारी झालेल्या बैठकीत आयत्यावेळी तसा प्रस्ताव मंजूर केला. त्यानुसार सध्या १८० रुपये प्रतिव्यक्ती प्रति दिन दर अदा केला जातो. मात्र, सध्या दिल्या जाणाऱ्या जेवण व नाष्टा अधिक चांगला दिला जावा. चपाती, भात, भाजी यांचे प्रमाणात वाढ करावी आणि दोन अंडी व शेंगदाणा लाडू देण्यात यावा. यासाठी दरामध्ये ५० रुपये वाढ करून १८० ऐवजी  २३० रुपये असा प्रतिव्यक्ती प्रति दिन दर अदा करण्यास स्थायी समितीने मान्यता दिली. या निर्णयामुळे स्थायीच्या भूमिकेवर संशय निर्माण होत असून रुग्णांच्य़ा नावाखाली ठेकेदारांचे भले आणि आपले आर्थिक हित साधण्याची संधी साधली जात असल्याची चर्चा होत आहे.

जेवण पुरविणा-या ठेकेदाराला अव्वाच्या सव्वा दर थेट पध्दतीने वाढवून देणे, हा प्रकार बघता पुन्हा पिंपरी-चिंचवड महापालिकेत कोरोनाच्या नावाखाली लयलूट सुरू झाल्याचे दर्शविणारा आहे. मागील वर्षात कोरोना काळातील खरेदी, निविदांवरून प्रशासन अडचणीत आलेले आहे. मृतांच्या टाळुवरील लोणी खाण्याचे आरोप पालिकेवर झाले आहेत. तरी देखील या प्रकारे आर्थिक फायद्याचे धाडस केले जात आहे