पीसीसीओईआरच्या विद्यार्थ्यांचा ‘एक दिवा अनाथांसाठी’
शिक्षण विश्व: इम्मानुएल अनाथाश्रमात दीपोत्सव
पिंपरी चिंचवड : पिंपरी चिंचवड एज्युकेशन ट्रस्टच्या (पीसीईटी) रावेत येथील पिंपरी चिंचवड कॉलेज ऑफ इंजिनिअरिंग अँड रिसर्च (पीसीसीओईआर) येथील मधील अॅप्लाइड सायन्स अँड ह्युमॅनिटीज विभागांतर्गत एफइएसए आणि लाईफ स्किल्स सेल यांच्या संयुक्त विद्यमाने दिवाळी निमित्त सामाजिक उपक्रम राबविण्यात आला.
या उपक्रमात प्रथम वर्षातील विद्यार्थ्यांनी स्वतःच्या कल्पकतेचा आणि कलात्मकतेचा वापर करून आकाश कंदिल आणि हाताने रंगवलेले दिवे तयार केले. या वस्तूंची विक्री “दीपोत्सव” या उपक्रमातून करण्यात आली आणि त्यातून जमा झालेला निधी चिंचवड येथील इम्मानुएल अनाथाश्रमाला देणगी देण्यात आली.
तसेच महाविद्यालयाच्या वतीने धान्य, किराणा साहित्य, मिठाई आणि इतर आवश्यक वस्तू आश्रमात देण्यात आल्या. विद्यार्थ्यांनी आणि प्राध्यापकांनी आश्रमातील मुलांसोबत खेळ खेळून दिवाळीचा आनंद द्विगुणित केला. यावेळी कॉलेजचे संचालक, प्राचार्य डॉ. हरीश तिवारी, विभागप्रमुख प्रा. शीतल पाटील, कार्यक्रम समन्वयक प्रा. प्रिया ओघे, प्रा. निलेश ठुबे, प्रा. रूपाली पाटील, प्रा. गजानन जाधव, प्रा. रेणुका परदेशी, प्रा. वैशाली निंबाळकर, विद्यार्थी प्रतिनिधी पार्थ निकुंभ, अर्थव देशमुख, राजवर्धन शितोळे, वेदका पाटील, सौम्या बु्कने, जिया आवटे, प्रणिता माणे, सनाथकुमार पोल, श्लोक पाटील, पुर्वेश चाटे उपस्थित होते.
हेही वाचा – सक्षम सोशल फाउंडेशनमुळे आदिवासी पाड्यावर फुलली आनंदाची दिवाळी!
या उपक्रमामुळे विद्यार्थ्यांमध्ये समाजसेवेची जाणीव अधिक दृढ झाली, तसेच आश्रमातील मुलांची दिवाळी आनंद, प्रकाश आणि मायेने उजळली. महाविद्यालय नेहमीच विद्यार्थ्यांमध्ये संवेदनशीलता, सामाजिक जबाबदारी आणि मानवतावादी मूल्ये रुजविण्यासाठी प्रयत्नशील असते, असे डॉ. हरीश तिवारी म्हणाले.
पीसीईटीचे अध्यक्ष ज्ञानेश्वर लांडगे, उपाध्यक्षा पद्मा भोसले, सचिव विठ्ठल काळभोर, खजिनदार शांताराम गराडे, विश्वस्त तथा पीसीयुचे कुलपती हर्षवर्धन पाटील, उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई यांच्या मार्गदर्शनाखाली कार्यक्रमाचे आयोजन करण्यात आले होते.
