आयुर्वेदाच्या माध्यमातून आता रोजगाराची संधी

निर्विकार ज्ञानसंकुलच्या चार आयुर्वेद अभ्यासक्रमांना राष्ट्रीय मान्यता

पिंपरी | प्रतिनिधी

निर्विकार ज्ञानसंकुलला राष्ट्रीय आयुर्वेद विद्यापीठाच्या प्रशिक्षण मान्यता मंडळाकडून चार आयुर्वेद अभ्यासक्रमांसाठी अधिकृत मान्यता प्रमाणपत्र प्रदान करण्यात आले आहे. या महत्वपूर्ण निर्णयामुळे आता आयुर्वेदाचे ज्ञान मिळवण्याचा मार्ग सोपा झाला आहे. यातून रोजगाराच्या अनेक संधी देखील उपलब्ध होणार आहेत.

निर्विकार ज्ञानसंकुलला राष्ट्रीय आयुर्वेद विद्यापीठाच्या प्रशिक्षण मान्यता मंडळाकडून हा सन्मान आयुष मंत्री प्रतापराव जाधव यांच्या हस्ते प्रदान करण्यात आला. या समारंभाला आयुष सचिव पद्मश्री वैद्य राजेश कोटेचा, पद्मभूषण वैद्य देवेंद्र त्रिगुणा, एनसीएसआयएम अध्यक्ष वैद्य जयंत देवपुजारी आणि आयुष सल्लागार वैद्य मनोज नेसरी उपस्थित होते.

हेही वाचा  : गोरगरिब रुग्णांच्या अर्थसहाय्यासाठी आमदार लांडगे सरसावले!

मान्यता प्राप्त अभ्यासक्रमांमध्ये सर्व सामान्यांसाठी

पंचकर्म थेरपिस्ट कोर्सचा समावेश आहे.आयुर्वेद विद्यार्थी व डॉक्टरांसाठी आयुर्वेद प्रमाणपत्र अभ्यासक्रम, आयुर्वेद आणि पंचकर्म निर्विकार अडव्हान्स्ड कोर्स, स्त्रीरोग विज्ञान प्रमाणपत्र अभ्यासक्रम यांचा समावेश आहे.

निर्विकार ज्ञानसंकुलाने गाठला नवा अध्याय

आयुष मंत्रालयाकडून मिळालेल्या मान्यतेमुळे निर्विकार ज्ञानसंकुलने आयुर्वेद शिक्षण आणि प्रशिक्षण क्षेत्रात एक नवा आयाम गाठला आहे आणि गुणवत्तापूर्ण आयुर्वेद शिक्षणासाठी एक विश्वासार्ह संस्था म्हणून स्थान मिळवले आहे.

महाईन्यूज-X वर फॉलो करा : महाईन्यूजला instagram वर फॉलो करा