पार्थ पवार आणि श्रीरंग बारणे आमने-सामने, दोघांनीही केले हस्तांदोलन आणि स्मितहास्य

पिंपरी-चिंचवड नवनगर विकास प्राधिकरणात मावळ लोकसभा मतदारसंघाचे निवडणूक कार्यालयात आज ( मंगळवारी) विनायक चतुर्थीचा मुहूर्त साधून महाआघाडीचे उमेदवार पार्थ पवार यांनी अर्ज दाखल केला. त्यानंतर ते निवडून कार्यालयातून बाहेत जात होते. त्याचवेळी  महायुतीचे उमेदवार, खासदार श्रीरंग बारणे हे पदाधिका-यासह अर्ज भरण्यासाठी कार्यालयात येत होते. त्यावेळी पार्थ पवार यांनी बारणे यांच्याकडे जाऊन हस्तांदोलन केले.

दरम्यान, महायुतीचे आणि महाआघाडीत तुल्यबळ दोन्हीही उमेदवार आमने-सामने आल्यानंतर दोन्हीही पक्षाकडील पदाधिकारी आणि कार्यकर्त्यांनी एकच गर्दी करीत दोघांना गराडा टाकला. तसेच काहींनी लगेल हा क्षण मोबाईलच्या कॅमे-यात कैद करुन फोटो व व्हिडिआे व्हायरल केले.

यावेळी खासदार अमर साबळे, आमदार लक्ष्मण जगताप, आमदार बाळा भेगडे, नगरसेवक संदीप वाघेरे आदी मान्यवर उपस्थित होते.