चिखली, जाधववाडी येथील अनधिकृत बांधकाम आणि पत्राशेडवर कारवाई
![](https://mahaenews.com/wp-content/uploads/2019/12/unnamed-1-scaled.jpg)
पिंपरी | महाईन्यूज | प्रतिनिधी
पिंपरी-चिंचवड महापालिकेच्या क क्षेत्रीय कार्यक्षेत्रांतर्गत येणा-या प्रभाग क्रमांक 2 मधील मौजे चिखली जाधववाडी याठिकाणच्या अनधिकृत पत्राशेडवर महापालिकेने कारवाई केली. तब्बल नऊ बांधकामे आणि पत्राशेड उध्वस्त करण्यात आली.
चिखली जाधववाडी प्रभागातील चिखली बालघरे वस्ती सेक्टर 16 जवळील गट नं. 754/755/756 येथील अनधिकृत बांधकामे आणि पत्राशेड अशा एकूण 9 हजार 979 चौरस फुटाच्या बांधकामांवर कारवाई करण्यात आली.
ही कारवाई बांधकाम परवानगी व अनधिकृत बांधकाम, अतिक्रमण नियंत्रण व निर्मूलन विभागातील दोन उपभियंता, दोन कनिष्ठ अभियंता, 9 बीट निरीक्षक यांनी केली. त्यासाठी एक पोलीस निरीक्षक, 21 पोलीस कर्मचारी, 2 जेसीबी आणि 10 मजूर यांच्या पथकाने ही कारवाई केली. हे झाले पत्राशेडचे आत कमर्शियल बांधकामांवर कारवाई कधी होणार, असा सवाल यानिमित्ताने उपस्थित होत आहे.