बारामतीच्या पीचवर नणंद विरुद्ध भावजय मॅचला सुरुवात, आजचा दिवस महत्त्वाचा
बारामती : बारामती हा शरद पवार आणि अजित पवार दोघांचा बालेकिल्ला विधानसभेला अजित पवार आणि लोकसभेला सुप्रिया सुळे हे बारामतीच ठरलेलं समीकरण आहे. पण यावेळी हे समीकरण बदलणार आहे. कारण यापुढच्या राजकारणात अजित पवार आणि सुप्रिया सुळे हे परस्परांचे राजकीय़ प्रतिस्पर्धी असतील. बारामतीच्या राजकीय पीचवर नणंद विरुद्ध भावजय असा सामना रंगण्याची दाट शक्यता आहे.
लोकसभा निवडणूक २०२४ मध्ये संपूर्ण महाराष्ट्राच सर्वाधिक लक्ष असेल ते बारामतीच्या निकालावर. कारण इतक्या वर्षात पहिल्यांदाच शरद पवारांना बारामतीच्या पीचवर चॅलेंज मिळणार आहे. महत्त्वाच म्हणजे हा विरोधक बाहेरचा नसून घरातला आहे. त्यामुळे या पवार विरुद्ध पवार मॅचवर सगळ्यांच लक्ष असेल. शरद पवारांना त्यांचा पुतण्या म्हणजे अजित पवारांकडून आव्हान मिळालय. शरद पवारांनी स्थापन केलेला राष्ट्रवादी काँग्रेस पक्ष आता अजित पवारांकडे आहे. दोन्ही पवारांची बारामतीच्या राजकारणावर घट्ट पकड आहे. अगदी ग्रामपंचायतीचा उमदेवारही दोन्ही पवारांच्या मर्जीतला असतो. यावेळी लोकसभेला बारामतीमध्ये काँटे की टक्कर पहायला मिळणार आहे.
हेही वाचा – भात कसा खावा, गरम की थंड? आरोग्यासाठी काय ठरेल सर्वात फायदेशीर?
बारामतीकर कोणाला कौल देतात? शरद पवार की अजित पवार? याची सगळ्या महाराष्ट्राला उत्सुक्ता आहे. शरद पवार यांच्या गटाकडून त्यांच्या कन्या सुप्रिया सुळे आणि अजित पवार गटाकडून त्यांच्या पत्नी सुनेत्रा पवार लोकसभेच्या निवडणूक रिंगणात उतरतील अशी चर्चा आहे. दोन्हीपैकी जो उमेदवार निवडूक येईल, त्यावरुन कुठल्या पवारांना बारामतीची पसंती ते स्पष्ट होईल.
सुप्रिया सुळे आणि सुनेत्रा पवार लोकसभा निवडणूक २०२४ मध्ये परस्पराच्या विरोधात असतील, हे जवळपास स्पष्ट होऊ लागलय. खासदार सुप्रिया सुळे आणि सुनेत्रा पवार आज बारामती दौऱ्यावर आहेत. सुप्रिया सुळे आज बारामती मतदारसंघातील गावांना भेटी देणार आहेत, तर सुनेत्रा पवार बारामतीमधील विविध विकासकामांच भूमिपूजन करणार आहेत. काल जय पवारांनी गावांना भेटी देत कार्यकर्त्यांशी संवाद साधला होता. अजित पवार यांचे सख्खे पुतणे युगेंद्र पवारांनी शरद पवार गटाच्या कार्यालयाला भेट दिली होती. आगामी लोकसभा निवडणुकीच्या पार्श्वभूमीवर बारामतीमध्ये रणधुमाळीला सुरुवात झालीय.