राज्यातील खाजगी इंग्रजी शाळा आज ‘बंद’
मुंबई – राज्यभरातील इंग्रजी शाळा आज बंद राहणार आहेत. शिक्षण हक्क (आरटीई) अंतर्गत प्रवेश दिलेल्या विद्यार्थ्यांची शुल्क प्रतिपूर्ती तातडीने द्यावी आणि इतर मागणीसाठी इंडिपेंडन्ट इंग्लिश स्कूल असोसिएशनने (ईसा) हा निर्णय घेतला आहे. या बंदमध्ये 29 जिल्ह्यातील साडे चार हजार इंग्रजी शाळा सहभागी होणार आहेत. ताडेच या बंदला मुंबई स्कूल बस असोशिएशननेही पाठिंबा दिला आहे. मुंबईतील 140 शाळांच्या स्कूल बस सेवा बंद राहणार आहेत. मात्र ज्या इंग्रजी शाळांमध्ये प्रात्यक्षिक किंवा तोंडी परीक्षा आहेत, त्या शाळा बंदमधून वगळल्याचं ईसाने सांगितले आहे.
आरटीईअंतर्गतघेण्यात येणाऱ्या २५ टक्के प्रवेशांसाठी राज्य सरकारने शाळांना ४०७ कोटींचा निधी उपलब्ध करून देत आज होणारे शाळा बंद आंदोलन मागे घ्यावे अशी विनंती केली आहे. मात्र थकीत ९०० कोटींपैकी ६०० कोटी न मिळाल्याने तसेच इतर मागण्यांबाबत सकारात्मक चर्चा न झाल्याने आज राज्यातील २५ हजार खासगी इंग्रजी शाळा बंद राहणार आहेत. मात्र याचा परिणाम बोर्डाच्या परीक्षांवर होणार नसल्याचेही त्यांनी स्पष्ट केले आहे.