breaking-newsमुंबई
मुंबईतील ओशिवरा येथील इमारतीमध्ये आग
![](https://mahaenews.com/wp-content/uploads/2019/01/oshiwara-fire.jpg)
मुंबईत आगीचे सत्र सुरूच असून शुक्रवारी रात्री ओशिवरा येथील मेगामॉलजवळील स्वाती सोसायटीत आग लागली. या आगीचे नेमके कारण समजू शकलेले नाही. आगीचे वृत्त समजताच अग्निशमन दलाचे तीन बंब आणि पाण्याचे तीन टँकर घटनास्थळी पोहोचले आहेत.
मेगामॉलजवळ स्वाती सोसायटी असून याच सोसायटीत सलमान खानचा सुरक्षा रक्षक शेराचे कार्यालय आहे. या सोसायटीच्या प्रवेशद्वाराजवळच शुक्रवारी रात्री भीषण आग लागली. या आगीचे नेमके कारण अद्याप समजू शकलेले नाही. आगीत जीवितहानी झाल्याचे वृत्त नाही.
या सोसायटीला ओसी मिळालेली नाही, असा दावाही केला जात आहे. या इमारतीमध्ये अनधिकृत बांधकामही झाल्याचा आरोप स्थानिकांनी केला आहे. मात्र, याबाबत अद्याप सरकारी यंत्रणांकडून कोणताही दुजोरा मिळू शकलेला नाही.