मुंबई ।महाईन्यूज|
नौदलाच्या कार्यक्रमामुळे रविवारपासून चार दिवस ‘गेट वे ऑफ इंडिया’ सर्वसामान्यांसाठी बंद असेल. 4 डिसेंबरच्या नौदल दिनाच्या निमित्ताने गेट वे ऑफ इंडिया परिसरात ‘बिटिंग द रीट्रीट’ या कार्यक्रमाचा सराव होणार असल्याने हा निर्णय घेण्यात आला आहे.
नौदल दिनी मुख्य कार्यक्रम सायंकाळी असेल. त्याआधी त्याचा तीन दिवस दुपारी 4.30 पासून सराव असेल. या सरावासाठी सर्वसामान्य नागरिक, पर्यटकांना ‘गेट वे’ येथील द्वार तसेच अन्य परिसरात मज्जाव असेल. ‘गेट वे’ वरून मांडवा तसेच एलिफंटासाठी लॉन्च आणि बोटी सुटतात. या बोटी 1 ते 4 डिसेंबरदरम्यान तेथून सुटणार नाहीत. काही ऑपरेटर्स भाऊचा धक्का (फेरी व्हार्फ) येथून या बोटी सोडू शकतात, असे मुंबई पोर्ट ट्रस्टने स्पष्ट केले आहे.
