राज ठाकरेंना कालच मेसेज अजून रिप्लाय नाही; त्यांना भेटल्यानंतरच पुढचा निर्णय: वसंत मोरे
![Message to Raj Thackeray yesterday, no reply yet; The next decision after meeting them: Vasant More](https://mahaenews.com/wp-content/uploads/2022/04/maharashtra-times.jpg)
- मला बऱ्याच पक्षांकडून ऑफर्स आल्या आहेत
- मी राज ठाकरे यांना भेटल्याशिवाय पुढचा कोणताही निर्णय घेणार नाही
या सगळ्या घडामोडींच्या पार्श्वभूमीवर वसंत मोरे यांनी आपली भूमिका स्पष्ट केली आहे. मला बऱ्याच पक्षांकडून ऑफर्स आल्या आहेत. मात्र, मी राज ठाकरे यांना भेटल्याशिवाय पुढचा कोणताही निर्णय घेणार नाही. राज ठाकरे यांना मी गुरुवारी रात्री मोबाईलवरून मेसेज पाठवला होता. त्यामध्ये मी राज ठाकरे यांच्याकडे भेटीसाठी वेळ मागितली होती. पण अजूनपर्यंत त्या मेसेजवर रिप्लाय आलेला नाही. आजपर्यंत मी मेसेज केल्यावर रिप्लाय आला नाही, असे कधीही झालेले नाही. कदाचित राजसाहेबांचा माझ्यावर थोडाफार राग असेल. मात्र, मी राजसाहेबांना भेटून त्यांच्यासमोर माझी भूमिका मांडणार आहे. मी मशिदींवरील भोंग्यांसदर्भात तसं को बोललो, हे मला त्यांना सांगायचे आहे, असे वसंत मोरे यांनी सांगितले.
वसंत मोरेंना थेट उद्धव ठाकरेंकडून ऑफर
मुख्यमंत्री उद्धव ठाकरे यांनी वसंत मोरे यांना फोन करून आपण शिवसेनेत येण्याबाबत विचार करावा असं म्हंटल आहे. त्यामुळे पुण्यातील राजकारण ढवळून निघालं आहे. यावर अद्याप वसंत मोरे यांनी कोणतीही भूमिका घेतली नसून ते भविष्यात शिवसेनेत जाणार का ? अशा चर्चा आता रंगल्या आहेत.