समृद्धी महामार्गावर कारचा भीषण अपघात, दोन प्रवाशांचा होरपळून मृत्यू
Samruddhi Mahamarg Accident | मुंबई-नागपूर समृद्धी महामार्गावर अपघातांची मालिका सुरूच असल्याचे दिसून येत आहे. आज गुरुवार (दि. २० फेब्रुवारी) सकाळी हिंदूहृदय सम्राट शिवसेनाप्रमुख बाळासाहेब ठाकरे समृद्धी महामार्गावरील दुसरबीड (तालुका सिंदखेड राजा, जिल्हा बुलढाणा) येथे ही भीषण अपघाताची घटना घडली आहे. या भीषण अपघातात दोन प्रवाशांचा होरपळून दुर्देवी मृत्यू झाला, तर एक जण गंभीर जखमी आहे.
हेही वाचा : बेस्ट ऑफ लक! दहावीची परीक्षा उद्यापासून सुरू
मिळालेल्या माहितीनुसार, चारचाकी प्रवासी वाहनाने अचानक पेट घेतला. पाहता पाहता संपूर्ण वाहन आगीच्या भक्ष्यस्थानी सापडले. यात दोन जणांचा होरपळून करूण अंत झाला. तिसरा प्रवासी गंभीर रित्या जखमी झाला आहे. पोलीस, महामार्ग पोलीस, विशेष रुग्णवाहिका, अग्निशमन दल घटनास्थळी दाखल झाले आहे. हे चारचाकी वाहन मुंबई येथून अकोलाकडे जात होते. वाहनाने अचानक पेट घेतला आणि मोठा आवाज झाल्याने आजूबाजूच्या शेतातील गावक-यांनी घटनास्थळी धाव घेतली. वृत लिहिस्तोवर कार विझविण्यात आली असून समृद्धी मार्गावरील वाहतूक सुरळीत करण्यात आली आहे.
महाईन्यूज-X वर फॉलो करा : महाईन्यूजला instagram वर फॉलो करा
