“कुणाल कामराचे सीडीआर तसेच बँक खात्याची चौकशी होणार; गृहराज्यमंत्री योगेश कदम यांनी केली घोषणा
Yogesh Kadam : स्टॅण्ड अप कॉमेडियन कुणाल कामरा याने एकनाथ शिंदे यांच्यावर केलेल्या गाण्यावरून सत्ताधारी – विरोधक एकमेकांवर टीका करताना दिसत आहेत. या गाण्यामुळे कुणाल कामराच्या विरोधात शिवसेनेचे (शिंदे) नेते आक्रमक झाल्याचं पाहायला मिळत आहे. कुणाल कामराविरोधात कारवाई करण्याची मागणी करण्यात येत आहे. या प्रकरणी कुणाल कामरा विरोधात गुन्हा दाखल करण्यात आला आहे.
कुणाल कामराच्या गाण्यावरून सुरु झालेल्या वादावर राज्याचे मुख्यमंत्री देवेंद्र फडणवीस यांनी देखील प्रतिक्रिया देत कारवाईचे संकेत दिले आहेत. यानंतर आता राज्याचे गृहराज्यमंत्री योगेश कदम यांनी विधानपरिषदेत बोलताना एक मोठी घोषणा केली आहे.
हेही वाचा – पिंपरी-चिंचवडमध्ये पुन्हा उलघडणार धर्मवीर छत्रपती संभाजी महाराजांची शौर्यगाथा!
“सर्वोच्च पदावर असलेल्या व्यक्तींवर अशा प्रकारची वक्तव्य केली जात असतील तर याबाबत सरकार अतिशय गंभीर आहे. अजिबात कोणाला सोडलं जाणार नाही. अशा प्रकारची स्टॅण्डअप कॉमेडी आम्ही चालू देणार नाहीत. कुणाल कामराचा बोलवता धनी कोण आहे? कारण घटनाक्रम देखील लक्षात घेतला पाहिजे. काही ठराविक ट्वीट केले गेले आहेत. सर्व विषयांचे गांभीर्य लक्षात घेता कुणाल कामराचे सीडीआर तपासले जातील, सर्व कॉल रेकॉर्ड तपासले जातील. बँक खात्याची चौकशी केली जाईल, याचा सुत्रधार कोण? आणि असेल तर त्याची देखील चौकशी केली जाईल”, अशी घोषणा गृहराज्यमंत्री योगेश कदम यांनी सभागृहात केली.
महाईन्यूज-X वर फॉलो करा : महाईन्यूजला instagram वर फॉलो करा
