29 महापालिका, 29 महापौर, कोणत्या महापालिकेत कुणाची सत्ता; संपूर्ण निकाल
Maharashtra All 29 Municipal Corporation Result 2026: नगरपरिषद आणि नगरपंचायत निवडणुकीपाठोपाठ आता महानगरपालिका निवडणुकांमध्येही भाजपनं जोरदार मुसंडी मारली. मुंबईसह राज्यातील तब्बल 19 महापालिकांमध्ये भाजपनं विजयी घोडदौड कायम ठेवली. सर्वात धक्कादायक म्हणजे देशातील सर्वात श्रीमंत महापालिका आणि तब्बल २५ वर्ष ठाकरेंची एकहाती सत्ता असलेल्या मुंबईत भाजप युतीनं ठाकरेंची सत्ता उलथवून लावलीय. 89 जागा मिळवत मुंबईत भाजप सर्वात मोठा पक्ष ठरलाय. तर त्यापाठोपाठ उद्धव ठाकरेंच्या शिवसेनेला 65 जागा मिळाल्यात. त्यामुळे मुंबईचा महापौर हा महायुतीचाच होणार असल्याचं स्पष्ट झालं. मुंबईची निवडणूक यंदा सर्वार्थानं वेगळी होती. तब्बल 20 वर्षानंतर उद्धव आणि राज ठाकरेंनी एकत्र येत निवडणूक लढवली. ठाकरे बंधूंना 71 जागी यश मिळालंय. तर पिंपरी-चिंचवड आणि पुण्यातही अजित पवारांना मोठा धक्का देत भाजपनं एकहाती सत्तेचा सोपान गाठलाय. तर नागपूरमध्येही भाजपनं आपला गड अबाधित ठेवलाय. त्याचप्रमाणे संभाजीनगरमध्येही ठाकरेंच्या वर्चस्वाला शह देत सत्ता खेचून आणली.
मुंबई वगळता राज्यातल्या इतर सर्व महापालिकांमध्ये बहुसदस्यीय प्रभाग रचना आहे. बहुतांश प्रभाग हे 4 सदस्यीय असून काही प्रभाग 3 किंवा 5 सदस्यीय आहे. हाती आलेल्या आकडेवारीनुसार मुंबईत 52.94 टक्के, ठाणे मनपात 56 टक्के, पुणे मनपात 52 टक्के, पिंपरी चिंचवडमध्ये 58 टक्के, नवी मुंबईत 57 टक्के, नाशिक मनपात 57 टक्के मतदान झालंय. परभणीत 66 टक्के, जालन्यात 61 टक्के मतदान झालंय. त्यामुळे 29 महापालिकेत कोणाची सत्ता, कोणाचा महापौर होणार?, हे जाणून घ्या.
| क्रमांक | महापालिकेचं नाव | कोणाची सत्ता? |
| 1 | बृहन्मुंबई- एकूण जागा- 227 | भाजप-शिंदे गट आघाडीवर |
| 2 | भिवंडी-निजामपूर- एकूण जागा- 90 | काँग्रेस |
| 3 | नागपूर – एकूण जागा-151 | भाजप |
| 4 | पुणे – एकूण जागा-162 | भाजप |
| 5 | ठाणे – एकूण जागा-131 | शिवसेना शिंदे-भाजप |
| 6 | अहिल्यानगर – एकूण जागा-68 | भाजप – राष्ट्रवादी |
| 7 | नाशिक – एकूण जागा-122 | भाजप |
| 8 | पिंपरी-चिंचवड – एकूण जागा-128 | भाजप |
| 9 | छत्रपती संभाजीनगर – एकूण जागा-113 | भाजप |
| 10 | वसई-विरार – एकूण जागा-115 | बहुजन विकास आघाडी |
| 11 | कल्याण-डोंबिवली – एकूण जागा-122 | भाजप-शिंदे गट आघाडीवर |
| 12 | नवी मुंबई – एकूण जागा-111 | भाजप आघाडीवर |
| 13 | अकोला – एकूण जागा-80 | भाजप |
| 14 | अमरावती – एकूण जागा-87 | भाजप-राष्ट्रवादी |
| 15 | लातूर – एकूण जागा-70 | काँग्रेस-वंचित |
| 16 | नांदेड-वाघाळा – एकूण जागा-81 | भाजप |
| 17 | मीरा-भाईंदर – एकूण जागा-96 | भाजप |
| 18 | उल्हासनगर – एकूण जागा-78 | इस्लाम पक्ष-एमआयएम आघाडीवर |
| 19 | चंद्रपूर – एकूण जागा-66 | काँग्रेस |
| 20 | धुळे – एकूण जागा-74 | भाजप |
| 21 | जळगाव – एकूण जागा-75 | भाजप |
| 22 | मालेगाव – एकूण जागा-84 | |
| 23 | कोल्हापूर – एकूण जागा-92 | महायुती |
| 24 | सांगली-मिरज-कुपवाड – एकूण जागा-78 | महायुती |
| 25 | सोलापूर – एकूण जागा-113 | भाजप |
| 26 | इचलकरंजी – एकूण जागा-76 | भाजप |
| 27 | जालना – एकूण जागा-65 | भाजप |
| 28 | पनवेल – एकूण जागा-78 | भाजप आघाडीवर |
| 29 | परभणी – एकूण जागा-65 | ठाकरे-काँग्रेस |
