राम मंदिर लवकर पूर्ण होण्यासाठी मोहन भागवतांचे दगडुशेठ हलवाई गणपतीला साकडे

महागणपतीच्या आशिर्वादाने रामराज्य प्रस्थापित व्हावे आणि प्रभू रामचंद्रांचे मंदिर शीघ्रपणे व कोणताही उशीर न होता पूर्णत्वास यावे, असे साकडे राष्ट्रीय स्वयंसेवक संघाचे सरसंघचालक मोहन भागवत यांनी दगडूशेठ हलवाई गणपतीच्या चरणी घातले. दर्शनासाठी मंदिरात येण्याची खूप दिवसांपासून इच्छा होती, ती पूर्ण झाली असे सांगत गणरायाकडे जे मागितले, ते त्यालाच माहित आहे, असे ते यावेळी मिश्किलपणे म्हणाले.