येत्या रविवारपासून जिम सुरू होणार
![](https://mahaenews.com/wp-content/uploads/2020/09/Gym-IANS.jpg)
मुंबई – अनलॉक प्रक्रियेत राज्यातील जनजीवन हळूहळू रुळावर येत आहे. आता कोलमडलेला जिम उद्योगही सुरू करण्यास राज्य सरकारने राज्यातील जिम सुरू करण्यासही राज्य सरकारने परवानगी दिली आहे. त्यानुसार २५ ऑक्टोबर म्हणजेच येत्या रविवारपासून राज्यातील जिम सुरू होणार आहेत. कंटेनमेंट झोन वगळून इतर भागातील व्यायामशाळांना मार्गदर्शक तत्वांनुसार सुरू करण्याची परवानगी देण्यात आली आहे. राज्य सरकारने आज या संदर्भातील पत्रक जारी केले आहे.
दरम्यान, तब्बल सात महिन्यांनी जिम सुरू होत असल्याने अनेक प्रकारची आव्हाने जिमचालकांपुढे उभी आहेत. सात महिने जिम बंद असल्यामुळे अनेक जिम प्रशिक्षकांनी रोजगाराची वेगळी वाट धरल्याने यातील बहुतांश जण परत येण्यास तयार नाहीत. तसेच जिम सुरू झाल्यावरही जिमचे भाडे, कर्मचाऱ्यांचे वेतन, कर्जहप्ते, विजेसह इतरही खर्च भरून निघेल का, असा प्रश्न जिमचालकांना सतावत आहे.