पुणे शहरातील पूर्व भागातील मुंढवा-केशवनगर भागातील रेणुका मंदिर परिसरात एक बिबट्या अढळून आल्याने खळबळ उडाली होती. या बिबट्याला जेरबंद करण्यात वन विभाग आणि अग्निशामक दलाला यश आले आहे. या बिबट्याने ४ ते ५ लोकांवर हल्लाही होता. हा बिबट्या पळताना बांधकाम सुरु असलेल्या एका इमारतीमध्ये दडून बसला होता.
अग्निशामकच्या माहितीनुसार, या बिबट्याला जेरबंद करण्यासाठी वनविभागाचे पथक घटनास्थळी रवाना झाले होते. दरम्यान, या बिबट्याने ७ वर्षे वयाच्या मुलावर हल्ला केला होता, या मुलाला वाचवताना इतर ३ जखमी झाले आहेत. दरम्यान, अग्निशमनचे बचाव पथक , वनविभाग, कात्रज येथील प्राणी संग्राहलायाची टीम यांनी संयुक्त कारवाईद्वारे जाळी टाकून बिबट्याला पकडले.
बिबट्याच्या या हल्ल्यात एक आजीबाई जखमी झाल्या आहेत. तर आदित्य भंडारी नामक तरुणही यात जखमी झाला आहे.
