ग्रामविकासमंत्री पंकजा मुंडे यांनी सोशल मिडीयावर एक भावनिक पोस्ट केली आहे. गेल्या काही दिवसांपासून मराठा क्रांती मोर्चाच्या वतीने आरक्षण व इतर मागण्यांसाठी आंदोलन सुरु आहेत. सोमवारी काकासाहेब शिंदे या आंदोलकाने जलसमाधी घेतल्याने आंदोलनाला राज्यभरात हिंसक वळण लागले.
दरम्यान, “माझ्या महाराष्ट्रातील माझा एक भाऊ ‘काका साहेब शिंदे’ याने स्वतःचा जीव गमावला आहे, एका आईच्या पोटचं लेकरू गेलं, तिच्या गळ्यातला ताईत गेला, त्या माऊलींच्या दुःखाची कल्पना ही कोणी करू शकत नाही. मी सर्व सुन्न होऊन बघत आहे आणि अगदी जाणून बुजून प्रतिक्रिया देण्याची घाई ही केली नाही” अशा शब्दात पंकजा मुंडे यांनी आपल्या भावना व्यक्त केल्या.
