उस्मानाबाद |महाईन्यूज|
कोरोना विषाणूच्या भितीमुळे राज्यातील धार्मिक स्थळं हळूहळू बंद करण्यात येत आहे. तुळजापूरच्या तुळजाभवानी देवीचे मंदिर देखील बंद करण्यात आले आहे. कोरोना विषाणूच्या पार्श्वभूमीवर मंदिर प्रशासनाने हा निर्णय घेतला आहे. ३१ मार्चपर्यंत तुळजाभवानीचे मंदिर बंद राहणार आहे.
संपूर्ण महाराष्ट्राचे कुलदैवत असलेल्या तुळजाभवानीच्या दर्शनासाठी भाविकांची मोठी गर्दी असते. राज्यात कोरोना विषाणू वेगात पसरत आहे. गर्दीच्या ठिकाणी मोठ्या प्रमाणात कोरोना विषाणूचा प्रादुर्भाव होण्याची शक्यता असते. त्यामुळे तुळजापूर मंदिर प्रशानाने मंदिर बंद ठेवण्याचा निर्णय घेतला आहे. तुळजाभवानी देवीच्या मंदिरातील सर्व विधी पुढील आदेश मिळेपर्यंत बंद ठेवण्याचे आदेश मंदिर प्रशासनाने दिले आहेत. या काळात भाविकांसाठी ऑनलाईन दर्शनाची सुविधा उपलब्ध राहणार आहे, असे देखील मंदिर प्रशासनाने सांगितले.
