दिल्ली स्फोटात नवा खुलासा ; घटनास्थळावरून तीन काडतुसे जप्त
Delhi Blast Case : दिल्लीच्या लाल किल्ल्याजवळ झालेल्या कार बॉम्बस्फोटाच्या तपासात आणखी एक महत्त्वाची माहिती समोर आली आहे. पोलिस सूत्रांनी दिलेल्या माहितीनुसार, स्फोटस्थळावरून तीन ९ मिमी कॅलिबर काडतुसे जप्त करण्यात आली आहेत. यामध्ये दोन जिवंत काडतुसे आणि एक रिकामा कवच समाविष्ट आहे. यानंतर तपास यंत्रणांच्या हालचाली आणखी वाढल्या आहेत.
पोलिस सूत्रांनी दिलेल्या माहितीनुसार, ९ मिमी कॅलिबर काडतुसे सामान्य जनतेसाठी वापरण्यास मनाई आहे. याचा अर्थ असा की कोणताही नागरिक त्यांच्या कायदेशीर परवाना असलेल्या बंदुकीमध्ये हे काडतुसे वापरू शकत नाही.
हेही वाचा – अहिल्यानगरमध्ये वनविभागाची मोठी कारवाई, ‘त्या’ नरभक्षक बिबट्याला ठार मारण्यात अखेर यश
हे काडतुसे सामान्यतः फक्त सुरक्षा दल, पोलिस किंवा विशेष परवानगी असलेल्यांकडेच असतात. यामुळे हे काडतुसे इतक्या संवेदनशील ठिकाणी कसे पोहोचले असा प्रश्न उपस्थित होतो.
