देशातील कोरोनाबाधितांची संख्या 1,03,56,845 वर
- 24 तासांत 16,375 नवे रुग्ण
नवी दिल्ली – देशातील कोरोनाबाधितांची संख्या आता 1 कोटीच्या पार गेल्याने चिंता प्रचंड वाढली आहे. त्यामुळे नागरिकांनी आपापली काळजी घेणे आवश्यक आहे. त्यातच देशात मागील 24 तासांत 16,375 नव्या कोरोना रुग्णांची नोंद झाली असून 201 कोरोना रुग्णांनी आपला जीव गमावला आहे. यासह देशाची एकूण कोरोना रुग्णसंख्या आता 1,03,56,845 वर पोहोचली आहे, तर कोरोनाबळींचा आकडा 1,49,850 इतका झाला आहे. तसेच आरोग्य मंत्रालयाने दिलेल्या माहितीनुसार, काल दिवसभरात 29,091 जण कोरोनामुक्त झाल्याने देशात आतापर्यंत 99,75,958 व्यक्तींनी कोरोनावर यशस्वी मात केली आहे, तर सध्या 2,31,036 जण कोरोनावर उपचार घेत आहेत.
वाचा :-कोरोनानंतर बर्ड फ्लूचं थैमान; ‘या’ राज्यांत आढळल्या केसेस
वाचा :-उत्तर प्रदेशातील सर्व 75 जिल्ह्यांमध्ये Covid-19 च्या लसीकरणासाठी ड्राय रन सकाळी 10 वाजता सुरू होणार
दरम्यान, गेल्या काही महिन्यांपासून कोरोनाचा संसर्ग वाढत असल्याने केंद्र सरकारकडून लॉकडाऊनची कडक अंमलबजावणी करण्यात आली होती. परंतु त्यानंतर अर्थव्यवस्था रुळावर आणण्यासाठी सुरू करण्यात आलेल्या अनलॉकच्या काळात रुग्णसंख्येने मोठी उसळी घेतली. मात्र आता दिवसेंदिवस दिवसभरातील रुग्णसंख्या घटताना दिसत आहे. तरी देशातील एकूण रुग्णसंख्या 1 कोटीच्या पार गेल्याने चिंता वाढली आहे. तसेच ब्रिटनमध्ये आढळलेल्या नव्या कोरोना विषाणूने भारतातही शिरकाव केल्यामुळे सर्वांनी काळजी घेणे आवश्यक आहे.