काँग्रेस खासदार अहमद पटेल यांना कोरोनाची लागण
![](https://mahaenews.com/wp-content/uploads/2020/10/खासदार-अहमद-पटेल.jpg)
राज्यसभा खासदार आणि काँग्रेसचे ज्येष्ठ नेते अहमद पटेल यांना करोनाची बाधा झाली आहे. त्यांचा करोना चाचणी अहवाल पॉझिटिव्ह आला आहे. त्यांनी याबाबत स्वतः ट्विट करुन माहिती दिली आहे. “माझा करोना चाचणी अहवाल हा पॉझिटिव्ह आला असून गेल्या काही दिवसांमध्ये जे लोक माझ्या संपर्कात आले त्यांनी त्यांची करोना चाचणी करुन घ्यावी” अशी विनंती करणारं ट्विट अहमद पटेल यांनी केलं आहे.
मंगळवारी रात्री भारताचे उपराष्ट्रपती व्यंकय्या नायडू यांना करोनाची बाधा झाल्याची बातमी समोर आली होती व्यंकय्या नायडू हे परवापासून होम क्वारंटाइन आहेत. भारतात आत्तापर्यंत ६३ लाखांपेक्षा जास्त लोकांना करोनाची बाधा झाली आहे. ही आत्तापर्यंतची एकूण संख्या आहे. तर उपचार घेत असताना ९८ हजारांपेक्षा जास्त रुग्णां करोनाची बाधा झाल्याने मृत्यू झाल आहे. संपूर्ण देशात ५२ लाखांपेक्षा जास्त रुग्ण करोनामुक्त झाले आहेत.