चहा किंवा कॉफी सोबत दहीपासून बनवलेले पदार्थ खाऊ नका
डीप फ्राय केलेल्या गोष्टींचे सेवन
आजकाल बहुतेक लोक आपल्या सकाळची सुरुवात चहा किंवा कॉफीने करतात. कुणासाठी हे पेय दिवसाची एनर्जी देणारे असते, तर कुणासाठी सवय. पण तुम्हाला माहितीये का की चहा-कॉफी सोबत खाल्ल्या जाणाऱ्या काही गोष्टी आहेत ज्या तुमच्या आरोग्याला हळूहळू नुकसान पोहोचवू शकतात? होय, चहा किंवा कॉफी सोबत काही लोक स्नॅक्स म्हणून अनेक गोष्टी घेतात. पण हे कॉम्बिनेशन असे असतात, जे शरीरात आम्लपित्त, गॅस, पोषक तत्वांची कमतरता आणि अगदी हार्मोनल असंतुलनही निर्माण करू शकतात.
सर्वात मोठी समस्या ही आहे की बहुतेक लोकांना याबद्दल माहितीच नसते. जर तुम्हीही तुमचे आरोग्य योग्य ठेवू इच्छित असाल तर या खराब कॉम्बिनेशनबद्दल माहिती असणे गरजेचे आहे. चला या लेखात जाणून घेऊया की त्या कोणत्या गोष्टी आहेत, ज्या चहा किंवा कॉफी सोबत खाऊ नयेत.
डीप फ्राय केलेल्या गोष्टींचे सेवन
क्लीनिकल डायटिशियन आंचल शर्मा सांगतात की, चहा आणि कॉफी सोबत काय गोष्टी खाल्ल्या जात आहेत याकडे लक्ष देणे अतिशय गरजेचे आहे. काही लोकांना चहा सोबत समोसा, ब्रेड पकोडा किंवा बाकी डीप फ्राय केलेल्या गोष्टी खूप आवडतात. पण या गोष्टी आरोग्याला नुकसान पोहोचवू शकतात. खरे तर, चहात टॅनिन आढळते जे तेल आणि मसालेदार खाण्यासोबत मिसळून गॅस, आम्लपित्त आणि पोट फुगणे अशा समस्या निर्माण करू शकते. अशा स्थितीत शरीरात लोहाचे शोषणही योग्यरित्या होत नाही.
हेही वाचा : ‘भाजपाने आणि काँग्रेसने कितीही आपटली तरी वेगळा विदर्भ होणार नाही’; संजय राऊत
लोह असलेल्या गोष्टी
तज्ज्ञांच्या मते, चहा किंवा कॉफी सोबत लोहाने भरपूर गोष्टीही खाऊ नयेत. कारण चहात ऑक्सलेट आढळते, जे लोहासोबत मिसळून त्याच्या शोषणाला अडथवते. यामुळे शरीरात लोहाची कमतरता होऊ शकते. म्हणून चहा सोबत लोह असलेल्या गोष्टी खाणे टाळा.
दहीपासून बनवलेल्या गोष्टीही हानिकारक
चहा किंवा कॉफी सोबत दहीपासून बनवलेल्या गोष्टी किंवा दह्याचे सेवनही करू नये. कारण चहातील उष्ण आणि थंड दही हे शरीरासाठी अतिशय वाईट कॉम्बिनेशन आहे. अशा वेळी जर तुम्ही चहा सोबत पराठा आणि दही खात असाल तर ते आजपासूनच बंद करा. यामुळे पोटात जळजळ, पोट फुगणे अशा समस्या निर्माण होऊ शकतात.
चहा आणि बिस्किटही योग्य नाही
डायटिशियन गीतिका चोप्रा यांच्या मते, चहा सोबत बिस्किटचे कॉम्बिनेशनही चांगले नसते. कारण त्यात रिफाइंड, मैदा आणि साखरेसोबतच अस्वास्थ्यकर फॅट मिसळलेले असतात. जेव्हा तुम्ही चहा सोबत हे घेता तेव्हा हे रक्तातील साखर अचानक वाढवून टाकतात.
