मुंबई | सुशांतसिंह राजपूत प्रकरणात ड्रग्ज अँगलची चौकशी करणार्‍या नारकोटिक्स कन्ट्रोल ब्यूरो (एनसीबी) च्या पथकाने बॉलिवूड अभिनेता अर्जुन रामपालची गर्लफ्रेंड गॅब्रिएला डेमेट्रिएड्सचा भाऊ अ‍ॅगिसिओस डेमेट्रिएडस याला अटक केली आहे. त्याच्याकडून एनसीबीने हशीष आणि अल्प्रझोलमच्या गोळ्या ताब्यात घेतल्या आहेत. अमली पदार्थांच्या प्रकरणात ड्रग्ज पेडलर्सच्या अटकेमुळे अ‍ॅगिसिओलोसची ड्रग्स डीलिंगमधली भूमिका समोर आली आहे.
एनसीबीच्या म्हणण्यानुसार, या प्रकरणात अटक करण्यात आलेल्या अनेक ड्रग पेडलर्सशी अ‍ॅगिसिलोसचा संपर्क होता. एनसीबीचे विभागीय संचालक समीर वानखेडे यांनी ईटाइम्सला सांगितलं की, ‘आरोपी हा सुशांत-रिया प्रकरणातील ड्रग्ज पेडलर्सच्या संपर्कात होता. आरोपीचा या खटल्याशी थेट संबंध आहे आणि म्हणूनच त्याला अटक करण्यात आली आहे.’ एनसीबीला त्याची दोन दिवसांची कोठडी मिळाली.
दरम्यान, काही दिवसांपूर्वी एनसीबीमधील एका अधिकाऱ्यांने सांगितलं होतं की, अर्जुन, शाहरुख खानच्या घरी ड्रग्ज घेऊन जायचा. दैनिक भास्करच्या अहवालानुसार एनसीबीच्या एका अधिकाऱ्याने नाव न सांगण्याच्या अटीवर स्पष्ट केलं की, अर्जुन शाहरुखला सातत्याने ड्रग्ज पुरवायचा अशी माहिती ड्रग्ज पेडलरकडून मिळाली आहे.
गॅब्रिएला डीमेट्रिएड्सने अर्जुन रामपालच्या मुलाला १८ जुलै २०१९ रोजी जन्म दिला होता. त्यापूर्वी अर्जुनने माजी मिस इंडिया मेहर जेसियाशी लग्न केलं होतं. दोघांना माहिका आणि मायरा या दोन मुली आहेत. लग्नाच्या २० वर्षानंतर दोघांनी घटस्फोट घेतला.
