Bigg Boss Marathi 6 Finale: मास्टरमाईंड, जंटलमन, क्वीन की…; कोण उचलणार बिगबॉस मराठी 6ची ट्रॉफी ? उत्सुकता शिगेला
Bigg Boss Marathi Season 6 Finale: बिग बॉस मराठीच्या सहाव्या सिझनला प्रेक्षकांकडून भरभरुन प्रतिसाद मिळतो आहे. या सिझनमधील स्पर्धकांनीही हा शो गाजवला. दरम्यान, बिग बॉसची ट्रॉफी कोण जिंकणार? कुणासाठी बिग बॉसच्या घरातील नशिबाचे दार उघडणार? याकडे संपूर्ण महाराष्ट्राचे लक्ष आहे. फिनालेपूर्वी बिग बॉसच्या घरातून कुणाचा पत्ता कट होणार? ट्रॉफी जवळ येऊन कोणत्या स्पर्धकाला माघारी परतावे लागणार, याकडे प्रेक्षकांचं लक्ष आहे. सध्या कलर्स मराठीच्या अधिकृत इन्स्टाग्राम अकाऊंटवर बिग बॉसचे प्रोमो आणि पोस्ट पाहायला मिळत आहे. रितेश देशमुखनेही संपूर्ण सिझन होस्टिंग करुन या शोमध्ये आणखी जीव ओतला. प्रेक्षक भाऊचा धक्का आवर्जून पाहायचे.
बिग बॉसच्या घरात शेवटचे 5 स्पर्धक उरले आहेत. तन्वी कोलते, अनुश्री माने, दिपाली सय्यद, राकेश बापट आणि विशाल कोटियन या 5 स्पर्धकांमध्ये सध्या रस्सीखेच सुरू आहे. बिग बॉसच्या ट्रॉफीवर कोणता स्पर्धक आपलं नाव कोरणार? याकडे सर्वांच्याच नजरा आहेत. दरम्यान, कलर्स मराठीने अलिकडेच आपल्या अधिकृत अकाऊंटवर एक प्रोमो शेअर केला आहे. या प्रोमोमध्ये Buzzer दाबून स्वत:ला एलिमिनेट करणाऱ्या स्पर्धकाला 5 लाख रुपये देण्यात येईल, असं रितेश देशमुख 5ही स्पर्धकांना सांगतो.
हेही वाचा – “कामाला लागा! तीन वर्षांनी भगवा फडकवायचा आहे…!” एकनाथ शिंदे यांची साद…
त्यानंतर राकेश बापट Buzzer च्या दिशेने जातो. हे पाहून घरातील सदस्य आणि एलिमिनेट झालेल्या स्पर्धकांना धक्का बसतो. फिनालेपूर्वी राकेश बापट एलिमिनेट होणार का? याकडे सर्वांचेच लक्ष आहे. बिग बॉसच्या घरातील टॉप 5 स्पर्धकांनी प्रेक्षकांच्या मनात अगदी वेगळी आणि हटके छाप सोडली आहे. तन्वी कोलते ही फायनलिस्ट ठरली. तिनं तिकीट टू फिनालेचा मान पटकावला. तिला क्विन ऑफ बिग बॉस असं म्हटलं जातं. राकेश बापटही या सिझनचा विनर होऊ शकतो. त्याला या सिझनचा Gentleman असं म्हटलं जातं. त्यानं अगदी संयम राखून बिग बॉसच्या घरातील टास्क पूर्ण केले आहेत.
विशाल कोटियनने बिग बॉसच्या घरातील प्रत्येक टास्क अगदी हुशारीने पूर्ण केले. त्याला बिग बॉसच्या घरातील मास्टरमाईंड असं म्हटलं जातं. दिपाली सय्यद हिनं देखील आपल्या खेळातून बिग बॉस हा शो गाजवला. तिला बिग बॉसच्या घरातील रणरागिणी असं म्हटलं जातं. तसेच अनुश्री माने हिनं देखील बिग बॉसच्या घरात विविध टास्क पूर्ण करुन टॉप 5 स्पर्धकांमध्ये आपली जागा तयार केली. 5 स्पर्धकांमधून कोणता स्पर्धक ट्रॉफी जिंकणार? याकडे सर्वांचेच लक्ष आहे.
