चला पुन्हा एकदा रामराज्य प्रस्थिपात करुयात, सुशांतच्या बहिणीचा सल्ला

मुंबई | मुंबईची तुलना पाकव्याप्त काश्मीरशी करणाऱ्या अभिनेत्री कंगना राणावतच्या मुंबईच्या कार्यालयावर महापालिकेकडून कारवाई करण्यात आली आहे. मुंबई महापालिकेच्या कर्मचाऱ्यांनी कंगनाच्या जुहू येथील कार्यालयामधील अनधिकृत बांधकाम तोडले आहे. पालिकेच्या या कारवाईवर अभिनेता सुशांतसिंग राजपूतची बहिण श्वेतासिंग किर्ती हिने संताप व्यक्त केला आहे.

“हे देवा! हे तर एक प्रकारचं गुंडाराज आहे. अशा प्रकारचा अन्याय सहन केला जाऊ शकत नाही. महाराष्ट्रातील या अन्यायाला राष्ट्रपती राजवटीनं उत्तर देता येईल का? चला आपण पुन्हा एकदा राम राज्य प्रस्थापित करुया.” अशा आशयाचं ट्विट करुन श्वेता सिंह किर्ती हिने आपली नाराजी व्यक्त केली आहे.