breaking-newsराष्ट्रिय
मध्यरात्रीनंतर दारावरील बेल वाजून जाणारी ‘ही’ महिला कोण?, पोलिसांकडून शोध सुरू
![](https://mahaenews.com/wp-content/uploads/2018/08/Women.jpg)
मध्यरात्र उलटून गेल्यावर अचानक दारावरील बेल वाजते आणि बाहेर गेल्यानंतर दारात कोणीच नसते. हा असा प्रकार अमेरिकेमधील टेक्सासमध्ये मागील काही दिवसांपासून घडत आहे. स्थानिकांनी यासंदर्भात पोलिसांकडे तक्रार केली आहे. पोलिसांनी यासंदर्भात चौकशी करुन परिसरातील सीसीटीव्ही फुटेज पाहिल्यानंतर त्यांना धक्काच बसला.
मॉंटगोमेरी पोलीस स्थानकाने जारी केलेल्या प्रसिद्धीपत्रकामध्ये या प्रकाराची संपूर्ण माहिती देण्यात आली आहे. रात्रीच्या सुमारास केवळ पांढऱ्या रंगाचे टी-शर्ट परिधान केलेली एक महिला लोकांच्या घराच्या बेल वाजवून निघून जात असल्याचे सीसीटीव्ही फुटेजमध्ये दिसून आले आहे. या महिलेच्या पायामध्ये चप्पल नसून तिने हाताला मनगटाजवळ रिबिन्ससारखे कापड बांधलेले या व्हिडीओमध्ये दिसत असल्याचे पोलिसांनी म्हटले आहे.