श्रीनगर: ‘रायझिंग काश्मीर’ या दैनिकाचे संपादक शुजात बुखारी यांच्या संशयित मारेकऱ्यांचे फोटो जम्मू-काश्मीर पोलिसांनी जाहीर केले आहेत. एका सीसीटीव्ही फूटेजच्या आधारे पोलिसांनी हे फोटो जाहीर केले आहेत.
सीसीटीव्हीमध्ये दिसणाऱ्या या तीन बाईकस्वारांनी आपले चेहरे झाकले आहेत. घटनास्थळावरील प्रत्यक्ष साक्षीदारांनी दिलेली माहिती आणि सीसीटीव्ही फूटेजच्या आधारे या संशयितांनीच शुजात बुखारी यांची हत्या केल्याचा संशय पोलिसांना आहे. या संशयित हल्लेखोरांबद्दल माहिती देण्याचे आवाहन पोलिसांनी नागरिकांना केले आहे. लाल चौकजवळील ‘रायझिंग काश्मीर’ या दैनिकाच्या कार्यालयाजवळ संपादक शुजात बुखारी यांच्यावर गोळ्या झाडण्यात आल्या. यात बुखारी व अन्य दोघेजण ठार झाले होते.
Kashmir Zone Police@KashmirPoliceGeneral public is requested to identify the suspects in pictures involved in today’s terror attack at press enclave.#ShujaatBukhari @JmuKmrPolice @spvaid @DIGCKRSGR @PoliceSgr
