नक्षलवाद्यांनी भूसुरुंग स्फोटाद्वारे डिझेल टँकर उडवला, तीन जणांचा मृत्यू
![](https://mahaenews.com/wp-content/uploads/2019/09/dIesel-tankar-new.jpg)
छत्तीसगडमधील नक्षलग्रस्त भाग असलेल्या कांकेर जिल्ह्यातील ताडोकी परिसरात मंगळवारी नक्षलवाद्यांनी एक मोठा घातपात घडवला. नक्षलवाद्यांनी भूसुरुंगाद्वारे एक डिझेल टँकर उडवला असून यामध्ये तीन जणांचा मृत्यू झाला आहे.
या स्फोटात मृत्यू झालेल्या तीन जणांची अद्याप ओळख पटलेली नाही. परिसरात सुरू असलेल्या रेल्वे लाइनच्या कामाच्या ठिकाणी हे डिझेल टँकर नेले जात होते, अशी माहिती समोर आली आहे. स्फोटानंतर स्थानिक पोलीस व नक्षलवाद्यांमध्ये चकमक झाल्याचीही माहिती आहे.
भूसुरुंग पेरल्यानंतर नक्षलवादी परिसरातच दबा धरून बसलेले होते. याचदरम्यान डिझेलच्या टँकरचा स्फोट घडला . पोलीस अधीक्षक केएल ध्रुव यांनी या घटनेची माहिती देताना सांगितले की, नक्षलवाद्यांनी स्फोट घडवून आणल्याची माहिती मिळताच, पोलीसाची तुकडी घटनास्थळी दाखल झाली व नक्षलवादी आणि पोलीसांमध्ये चकमक सुरू आहे.