जिल्हा वार्षिक योजनेतून प्रशासनाला ‘डिजिटल बळकटी’
सिंधुर्दुर्ग : जिल्हा वार्षिक योजना, सन २०२५-२०२६ अंतर्गत ‘गतिमान प्रशासन तथा आपात्कालीन व्यवस्थेचे बळकटीकरण’ या योजनेतून खरेदी करण्यात आलेल्या साहित्यांचे पालकमंत्री नितेश राणे यांच्या हस्ते प्रतिनिधीक स्वरुपात वितरण करण्यात आले
यावेळी जिल्हा परिषद अध्यक्ष प्रमोद कामत, जिल्हाधिकारी तृप्ती धोडमिसे, मुख्य कार्यकारी अधिकारी रवींद्र खेबुडकर, पोलिस अधीक्षक डॉ. मोहन दहिकर, जिल्हा परिषद उपाध्यक्ष तुकाराम साईल, निवासी उपजिल्हाधिकारी मच्छिंद्र सुकटे, जिल्हा नियोजन अधिकारी यशवंत बुधावले, जिल्हाधिकारी कार्यालयातील सर्व उपजिल्हाधिकारी, शाखा प्रमुख व अधिकारी कर्मचारी उपस्थित होते.
हेही वाचा – वृत्तपत्र विक्रेता संघटनेच्या पश्चिम महाराष्ट्र विभागाच्या पदाधिकाऱ्यांची निवड
गतिमान प्रशासन तथा आपात्कालीन व्यवस्थेचे बळकटीकरण या योजनेतून मोठ्या प्रमाणात निधी उपलब्ध करुन दिल्यामुळे जिल्हाधिकारी धोडमिसे यांनी पालकमंत्री राणे यांचे आभार मानले. सदर खरेदीमुळे प्रशासकीय कामकाज गतिमान व पारदर्शक होण्यास मोलाची मदत होणार असलेची भावना त्यांनी यावेळी व्यक्त केली.
या निधीतुन जिल्हाधिकारी कार्यालय, अधिनस्त उपविभागीय कार्यालये, तहसिलदार कार्यालये यांचेसाठी १३७ संगणक, १०७ प्रिंटर, ७१ यूपीएस, ४ झेरॉक्स मशीन्स व ३६ स्कॅनर खरेदी करण्यात आलेले आहेत.
