RBI कडून रेपो रेटमध्ये २५ बेसिस पॉइंट्सची घट; कर्जदारांना दिलासा
RBI Reduces Repo Rate | रिझर्व्ह बँक ऑफ इंडियाने (RBI) पतधोरण समितीच्या बैठकीनंतर रेपो रेटमध्ये २५ बेसिस पॉइंट्सची घट जाहीर केली असून, नवीन रेपो रेट ५.२५% इतका ठरवण्यात आला आहे. गव्हर्नर संजय मल्होत्रा यांच्या अध्यक्षतेखाली तीन दिवस चाललेल्या बैठकीनंतर हा निर्णय घोषित करण्यात आला. यापूर्वी रेपो रेट ५.५०% होता.
रेपो रेट म्हणजे काय?
रेपो रेट म्हणजे असा व्याजदर ज्यावर बँका आरबीआयकडून कर्ज घेतात. स्वतःसाठी कर्ज स्वस्त झाल्यास बँका हा लाभ ग्राहकांपर्यंतही पोहोचवतात. आता रेपो रेटमध्ये कपात झाल्याने, गृहनिर्माण आणि वाहन कर्जांसह किरकोळ कर्जांवरील व्याजदर कमी होण्याची शक्यता आहे. यामुळे रेपो रेट कमी झाल्यास बँकांना लिक्विडिटी वाढवण्यासाठी एफडीमध्ये आकर्षक बदल करण्याची गरज भासत नाही.
गृहकर्जाच्या व्याजदरांवर परिणाम
रेपो रेटमध्ये २५ बेसिस पॉइंट्स कपात झाल्यामुळे गृहकर्जाचे व्याजदरही कमी होण्याची शक्यता आहे. अनेक बँकांनी त्यांच्या बेंचमार्क-लिंक्ड कर्ज दरांमध्ये कपात करण्याची घोषणा आधीच केली आहे. याचा अर्थ असा की नवीन कर्जदार आणि फ्लोटिंग रेट गृहकर्ज असलेले कर्जदार अशा दोन्ही प्रकारच्या कर्जदारांना रेपो रेट कपातीचा फायदा होईल.
महागाईचा अंदाज २.६ टक्क्यांवरून २ टक्क्यांपर्यंत कमी
आरबीआय ने २०२५-२६ या आर्थिक वर्षासाठीचा महागाईचा अंदाज २.६ टक्क्यांवरून २ टक्क्यांपर्यंत कमी केला आहे. पतधोरण समितीच्या बैठकीनंतर गव्हर्नर संजय मल्होत्रा म्हणाले की, उत्पादन व्यवहारांमध्ये सुधारणा होत आहे आणि सेवा क्षेत्रामध्ये स्थिर वाढ दिसून येत आहे. त्यामुळे पतधोरण समितीने चलनविषयक धोरणाच्या तटस्थ भूमिकेसह पुढे जाण्याचा निर्णय घेतला आहे.
