COVID-19 : चीनमध्ये सापडले आणखी २० विषाणू; निपाह आणि हेंद्रा सारखे घातक
Corona : जेव्हा-जेव्हा साथीच्या आजारांचा इतिहास सांगितला जातो तेव्हा ‘कोरोना’व्हायरसमुळे झालेला विनाश विसरला जाणार नाही. ही एक अशी साथीची रोगराई होती ज्याने केवळ लाखो लोकांचे जीव घेतले नाहीत तर त्याच्या संसर्गामुळे मानवी संबंधांवर ज्या प्रकारे परिणाम झाला ते कल्पना करणेही भयानक आहे. तुम्हाला हे जाणून धक्का बसेल की, आणखी २२ विषाणू पाइपलाइनमध्ये आहेत, ज्यांचे संसर्ग सर्वत्र कहर निर्माण करेल.
हा शोध अशा वेळी लागला आहे जेव्हा जग अजूनही कोविड-१९ साथीच्या आजाराच्या नवीन प्रकाराशी झुंजत आहे. २०१९ मध्ये चीनच्या वुहान शहरात कोविड-१९ चा पहिला रुग्ण आढळला आणि वटवाघळांमध्ये आढळणाऱ्या कोरोनाव्हायरसमुळे वुहान व्हायरस संशोधन केंद्र कुप्रसिद्ध झाले. पुन्हा एकदा, २२ प्राणघातक विषाणू वटवाघळांमधून पसरू शकतात, जे मानवांसाठी खूपच घातक ठरू शकतील.
चीनमधील संशोधकांनी वटवाघळांमध्ये कमीत कमी २० नवीन विषाणू शोधले आहेत, जे भविष्यात प्राणी आणि मानवांसाठी धोका निर्माण करू शकतात. २०१७ ते २०२१ दरम्यान युनान प्रांतातील १४२ वटवाघळांच्या मूत्रपिंडाच्या ऊतींमधून २२ विषाणू ओळखले गेले. यापैकी दोन विषाणू हेंद्रा आणि निपाहसारखे आहेत.
हेही वाचा – पुणेकरांचा प्रवास आणखी सुसाट.! मेट्रोच्या दुसऱ्या टप्प्याला केंद्राची मंजुरी
संशोधनात एक अज्ञात जीवाणू आणि क्लोसिएला युनानेन्सिस नावाचा परजीवी देखील आढळून आला आहे. वटवाघळे फळबागा आणि गावांजवळ राहत होते, ज्यामुळे मूत्राद्वारे फळांना विषाणू दूषित होण्याचा धोका असतो. तो मानवांमध्ये किंवा प्राण्यांमध्ये अगदी सहजपणे पसरू शकतो.
युनान बॅट हेनिपाव्हायरस १ आणि २ हे विषाणू पूर्वी अज्ञात होते आणि त्यांचे अनुवांशिक घटक इतर हेनिपाव्हायरसशी ५२ ते ५७ टक्के जुळतात. तज्ञांनी इशारा दिला आहे की हे विषाणू फळे किंवा पाण्याद्वारे मानवांपर्यंत पोहोचू शकतात, म्हणजेच ते खूप सहजपणे संक्रमित होतील. कोरोनासारखे गंभीर श्वसन आजार होण्याव्यतिरिक्त, हे विषाणू मेंदूमध्ये सूज निर्माण करू शकतात, ज्यामुळे रुग्णाच्या मेंदूला नुकसान होईल.
हे विषाणू वटवाघळांच्या मूत्रपिंडात आढळले आहेत आणि त्यांच्यात मानवांमध्ये किंवा प्राण्यांमध्ये पसरण्याची क्षमता आहे. ते अनेक गंभीर आजारांना कारणीभूत ठरू शकतात. आतापर्यंत संशोधकांनी कोणत्याही नवीन साथीची पुष्टी केलेली नाही, परंतु या धोक्याकडे गांभीर्याने पाहिले जात आहे. वटवाघळांमध्ये किमान २० नवीन विषाणू आढळले आहेत, ज्यात दोन हेनिपा विषाणू आणि एक परजीवी यांचा समावेश आहे.
महाईन्यूज-X वर फॉलो करा : महाईन्यूजला instagram वर फॉलो करा
