पुणे : केंद्रीय अन्वेषण ब्युरो (सीबीआय)ने इंटरपोलच्या (CBI News)माध्यमातून अनेक देशातील एफबीआय आणि कायद्याची अंमलबजावणी करणाऱ्या एजन्सीच्या समन्वयाने चालू असलेल्या ऑपरेशन चक्र ||| चा भाग म्हणून 43 आरोपींना अटक केली.
सन 2022 पासून अनेक देशांमध्ये कार्यरत असलेल्या अत्याधुनिक सायबर सक्षम आर्थिक गुन्हेगारीचे नेटवर्क नष्ट करण्यासाठी ऑपरेशन चक्र ||| राबविले जात आहे. सीबीआयच्या इंटरनॅशनल ऑपरेशन्स डिव्हिजनने 22 जुलै 2024 रोजी फसवणूक आणि ऑनलाईन फसवणुकीच्या गुन्ह्यांसाठी गुन्हा दाखल केला. त्या गुन्ह्यातील आरोपींचा गुडगाव आणि नोएडामध्ये सात ठिकाणी शोध घेण्यात आला. त्यात हे उघड झाले की, या नेटवर्कमधील आंतरराष्ट्रीय सायबर सक्षम आर्थिक गुन्हे प्रामुख्याने डीएलएफ सायबर सिटी, गुरुग्राम येथून कार्यरत असलेल्या कॉल सेंटरद्वारे निर्देशित केलेल्या वितरित केंद्रांमध्ये समन्वयीत केले जात होते. या शोधा दरम्यान थेट सायबर गुन्हेगारी ऑपरेशन सुरू करण्यात आले आणि सायबर गुन्ह्यांशी संबंधित महत्त्वपूर्ण पुरावे सीबीआयच्या हाती लागले.
हेही वाचा – गणेशोत्सव होणार गोड! यंदाही गणेशोत्सवात ‘आनंदाचा शिधा’
तपास पथकांनी आतापर्यंत 130 संगणक हार्ड डिस्क, 65 मोबाईल फोन, पाच लॅपटॉप, गुन्ह्याची कागदपत्रे, आर्थिक व्यवहार तपशील, कॉल रेकॉर्डिंग, पीडीतेचे तपशील आणि पीडीतेला लक्ष करण्यासाठी वापरलेले उतारे जप्त केले आहेत.
तोतयागिरीद्वारे पिडीतांशी संपर्क करून आणि त्यांच्या सिस्टमवरून दुर्भावनापूर्ण सॉफ्टवेअर डाऊनलोड करण्यासाठी पॉप-अप लिंकवर क्लिक करण्यास प्रवृत्त केले गेले आणि नंतर त्यांची प्रणाली पुनर्संचयित करण्यासाठी पैसे देण्यास प्रवृत्त केले गेले. गुन्ह्यातील रक्कम अनेक देशांमधून हॉंगकॉंग मध्ये पाठवण्यात आल्याचे उघड झाले आहे.
