मुंबई : अभिनेत्री रवीना टंडनचा एक धक्कादायक व्हिडिओ समोर आला आहे. रवीना आणि तिच्या ड्रायव्हरवर मारहाणीचा गुन्हा दाखल करण्यात आला आहे. शनिवारी, 1 जून रोजी रात्री उशिरा या रवीनावर मुंबईतील वांद्रे परिसरात तीन जणांवर अत्याचार आणि मारहाण केल्याचा आरोप करण्यात आला. इतकेच नाही तर रवीनाला स्थानिक लोकांनी घेरले आणि तिच्यावर हल्लाही करण्यात आला. या प्रसंगाचा व्हिडिओ व्हायरल होत आहे.
मीडिया रिपोर्ट्स आणि सोशल मीडियावर व्हायरल झालेल्या माहितीनुसार, रवीना टंडनच्या ड्रायव्हरवर रिझवी कॉलेजजवळ कार्टर रोडवर रॅश ड्रायव्हिंग करून तीन जणांना ठोकल्याचा आरोप आहे. त्याचवेळी अभिनेत्रीला याबाबत विचारले असता, अभिनेत्री मद्यधुंद अवस्थेत होती असाही आरोप करण्यात आला. मद्यधुंद अवस्थेतच रवीना कार बाहेर आली आणि पीडितांना शिवीगाळ करू लागली. त्यांच्याशी भांडू लागली.
रवीना टंडन आणि तिच्या ड्रायव्हरवर आरोप
व्हिडिओमध्ये स्थानिक आणि पीडित महिलेने रवीनाला चारही बाजूंनी घेरले आहे. तसेच ते पोलिसांना बोलावत आहेत. एक मुलगा मागुन ओरडतोय की या अभिनेत्रीने माझ्या आईवर गाडी चालवली. तर रवीना टंडन लोकांना ‘प्लीज प्लीज पुश करू नका’, मला मारू नका.’ असे म्हणतेय. लोकांचा एवढा गोंगाट आहे की व्हिडिओमध्ये स्पष्टपणे काहीही ऐकू येत नाही.
पीडितेच्या मुलाने रवीना टंडनवर केले आरोप
व्हिडिओमधील एक व्यक्ती नंतर स्वत: पीडितेचा मुलगा असल्याचे सांगतो. तो म्हणतो की माझे नाव मोहम्मद आहे. त्याची आई, बहीण आणि भाची रवीना टंडनच्या घराजवळून जात असताना चालकाने त्यांना जोरदार धडक दिली. एवढेच नाही तर त्या व्यक्तीने त्यांच्यावर कार जॅकिंगचा आरोपही केला. ‘त्यानंतर रवीना टंडन बाहेर आली. ती दारूच्या नशेत होती. तिने माझ्या आईला मारले त्यामुळे तिचे डोके फुटले. माझ्या भाचीचेही डोके फुटले. आम्ही २४ तास खार पोलीस ठाण्यात उभे आहोत. पण आमचे ऐकले जात नाहीये. आमची केस कोणी घेत नाही. आम्हाला न्याय हवा आहे.