TOP Newsटेक -तंत्रताज्या घडामोडीदृष्टीक्षेपपुणे
पुण्यात 15 वर्षीय मुलीचे अपहरण, नंतर बलात्कार : 6 महिन्यांत अनेकवेळा बलात्कार
- अश्लील फोटो काढून ब्लॅकमेल; 6 आरोपींना अटक
पुणेः महाराष्ट्रातील पुणे शहरात १५ वर्षीय मुलीवर सामूहिक बलात्कार झाल्याची घटना समोर आली आहे. पीडितेच्या आईच्या तक्रारीवरून पोलिसांनी बुधवारी 6 आरोपींना अटक केली. पोलिसांनी सर्व आरोपींविरुद्ध पोक्सो कायद्यान्वये गुन्हा दाखल केला आहे. याप्रकरणी अधिक तपास सुरू असल्याचे अधिकाऱ्यांनी सांगितले.
जूनमध्ये अपहरण, नंतर घटना आणि ब्लॅकमेल
पोलिसांनी सांगितले की, पीडिता आणि एक आरोपी एकमेकांना आधीच ओळखत होते. आरोपी अनिल जाधव याने जून महिन्यात मुलीचे चाकूच्या धाकावर अपहरण केले होते. गेल्या ६ महिन्यात पीडितेसोबत अनेकवेळा बळजबरीने शारीरिक संबंध ठेवले.
पोलिस अधिकाऱ्यांनी सांगितले की, आरोपीने तरुणीचे अश्लील फोटो काढून ब्लॅकमेल केले. आरोपीने पीडितेला धमकी दिली होती की, तिने या प्रकरणाबाबत कोणाला सांगितले तर तिचे फोटो सोशल मीडियावर व्हायरल केले जातील.