breaking-newsताज्या घडामोडीपिंपरी / चिंचवड
मराठा समाजाला शाश्वत आरक्षण भाजप सरकार देणार – सत्तारुढ पक्षनेते एकनाथ पवार
मराठा संवाद यात्रेचे पिंपरीत स्वागत
पिंपरी ( महा ई न्यूज ) – मराठा समाजाच्या न्याय्य व हक्कांच्या मागणीचा पाठपुरावा मराठा क्रांती मोर्चाच्या माध्यमातून समाजबांधव करीत आहेत. मराठा समाजाला शाश्वत आरक्षण सर्व न्यायालयीन प्रक्रिया पुर्ण करुन भाजप सरकार देणार आहे. परंतू मराठा तरुणांनी, तरुणींनी भावनेच्या भरात आत्महत्येचे पाऊल उचलू नये. त्यातून प्रश्न सुटण्याएैवजी कुटूंबियांना व समाजबांधवांना दु:ख होणार आहे, असे मत महापालिका सत्तारुढ पक्षनेते एकनाथ पवार यांनी व्यक्त केले.
सामाजिक संदर्भ, ताणलेले जातीय संबंध, दिर्घकालीन सामाजिक व सांस्कृतिक परिणामातून समाजबांधवांचे वैचारिक व प्रबोधन करण्यासाठी बारामतीचे प्रशांत (नाना) सातव यांच्या नेतृत्वाखाली पाच ऑगस्ट पासून बारामती ते मुंबईला निघालेल्या मराठा संवाद यात्रेचे पिंपरी चिंचवड मध्ये पक्षनेते एकनाथ पवार यांनी स्वागत केले. नगरसेवक तुषार हिंगे, माऊली थोरात, अभिषेक बारणे उपस्थित होते,
मराठा समाजाला आरक्षण मिळाले पाहिजे यासाठी राज्यभर विविध आंदोलने सुरु आहे. अनेक तरुण, तरुणींना यासाठी आत्मबलीदान केले. सामाजिक संदर्भ, ताणलेले जातीय संदर्भ, असंतोषाने पेटून भावनिक झालेली समाजाबांधव, आत्मघात करु पाहणारा समाजबांधव, कायदा हातात घेऊ पाहणारे युवक यांच्याशी संवाद साधून आपल्या न्याय्य मागण्यांसाठी प्रशासन व सरकारकडे पाठपुरावा करण्यासाठी मराठा संवाद यात्रा काढण्यात आली आहे. या संवाद यात्रेचे भक्ती शक्ती चौकात नगरसेवक तुषार हिंगे, जांबे गावचे सरपंच अंकुश गायकवाड, संदिप ताथवडे, मच्छिंद्र शिंदे, प्रमोद ससार, दत्तात्रय पवार, सचिन पाटील, कुमार ससार, प्रविण घरत यांनी स्वागत केले. या संवाद यात्रेत समाज प्रबोधन व मराठा आरक्षण चळवळी विषयी जनजागृती करणारी माहिती पत्रके वाटून समाजबांधवांशी संवाद साधण्यात येत आहे. या संवाद यात्रेचा समारोप क्रांतीदिन नऊ ऑगस्ट रोजी मुंबईत आझाद मैदानावर होणार आहे.