Breaking-newsताज्या घडामोडी

तंत्रज्ञानास जीवनाचा भाग बनवा : राज्यमंत्री

राहुरी | ‘पूर्वीच्या काळी आपण धान्य आयात करत होतो. आपल्या कृषी शास्त्रज्ञ व शेतकऱ्यांच्या अथक परिश्रमामुळे देश अन्नधान्यात स्वयंपूर्ण झाला आहे. आज आपण धान्य निर्यात करीत आहोत. या पुढील काळात आपल्याला अॅरोपॉनिक्स व हायड्रोपॉनिक्स सारख्या तंत्रज्ञानास आपल्या जीवनाचा भाग बनवावा लागेल,’ असे प्रतिपादन केंद्रीय कृषी राज्यमंत्री कैलाश चौधरी यांनी केले.

महात्मा फुले कृषी विद्यापीठातील कास्ट-कासम या प्रकल्पांतंर्गत ‘संरक्षित शेतीमध्ये अॅरोपॉनिक्स व हायड्रोपॉनिक्स तंत्रज्ञानाचा वापर’ या विषयावर एक आठवड्याचे ऑनलाइन प्रशिक्षण आयोजित करण्यात आले होते. या प्रशिक्षण कार्यक्रमाच्या समारोप प्रसंगी ते बोलत होते. अध्यक्षस्थानी महात्मा फुले कृषि विद्यापीठाचे कुलगुरु डॉ. के.पी. विश्वनाथा होते. चौधरी म्हणाले, ‘तरूण शेतकऱ्यांनी जीवनात मोठे लक्ष ठेवावे. आपल्याला मिळालेले तंत्रज्ञान सगळ्यांपर्यंत कसे पोहोचेल ते पहावे. आज करोनामुळे अमेरिकेसारख्या महासत्तेला गुडघे टेकायला लागले आहेत’ कुलगुरु डॉ. के. पी. विश्वनाथा म्हणाले, ‘महात्मा फुले कृषी विद्यापीठाने एकात्मिक शेती पद्धतीचे मॉडेल शेतकऱ्यांसाठी विकसीत केले आहे. या मॉडेलमुळे कमी क्षेत्र असणाऱ्या शेतकऱ्यांची उत्पन्न वाढण्यास मदत होईल. लॉकडाउनच्या कालावधीत कृषी विद्यापीठाने आत्तापर्यंत आठ ऑनलाइन प्रशिक्षणांचे आयोजन करुन देशातील कृषी विद्यापीठांमध्ये आघाडी मिळविली आहे.’

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group