Breaking-newsताज्या घडामोडीपिंपरी / चिंचवड

महापालिकेचा मिळकतकर भरा, अन्यथा जप्ती कारवाई करु – आयुक्तांचा इशारा

एक लाखापेक्षा अधिक थकबाकी असलेल्या 20 हजार नागरिकांना नोटीस

पिंपरी |महाईन्यूज|प्रतिनिधी|

पिंपरी चिंचवड महापालिका क्षेत्रामध्ये अनेक मिळकतधारकांनी मोठ्या प्रमाणावर कर थकवला आहे. एक लाखाच्या वर थकबाकीधारकांना थकबाकीसह मिळकत कर भरण्याची नोटीस देण्यात आली आहे. त्यानंतर आठ दिवसांच्या आत रक्कम जमा न केल्यास मालमत्ता जप्तीचा इशारा, आयुक्त श्रावण हर्डिकर यांनी दिला आहे.

शहरात एकूण 5 लाख 25 हजार मिळकतीची नोंद आहे. त्यापैकी एक लाखांवरील मोठ्या थकबाकीधारकांची संख्या 19 हजार 993 इतकी आहे. थेरगाव कर संकलन कार्यालयाकडे सर्वाधिक 3 हजार 949 मोठे थकबाकीदार आहेत. त्यापाठोपाठ चिखली कार्यालयाकडे 3 हजार 338 आणि भोसरी कार्यालयाकडे 1 हजार 898 मोठे थकबाकीदार आहेत. एक हजारपेक्षा अधिक थकबाकीदार असलेल्या कर संकलन कार्यालयाची संख्या 6 असून पाचशेपेक्षा अधिक थकबाकीदार असलेल्या कार्यालयांची संख्या 8 आहे. कमी थकबाकीदार असलेल्या केवळ 2 आहे.

महापालिकेच्या सर्व 16 विभागीय कर संकलन कार्यालयाकडून 1 लाख व त्यापेक्षा जास्त थकबाकी असलेल्या मिळकतधारकांना नोटीसा देण्यात आल्या आहेत. नोटीस मिळाल्यानंतर आठ दिवसांच्या आत त्यांनी थकबाकीसह संपूर्ण मिळकत कर न भरल्यास मालमत्ता जप्तीची कारवाई केली जाणार आहे. आयुक्त श्रावण हर्डीकर यांनी कर संकलन विभागाला वसुली मोहीम तीव्र करण्याचे आदेश दिले आहेत.

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group