भारत-अमेरिकेत शस्त्रांसंबंधी मोठा करार ; ९३ दशलक्ष डॉलर्सच्या लष्करी पॅकेजला मंजुरी
US-India defence deal : भारत आणि अमेरिका यांच्यात मागील काही दिवसांपासून तणावाचे वातावरण आहे. रशियाकडून तेल खरेदीचा भारताला ट्रम्प टॅरिफच्या माध्यमातून फटका बसला. मात्र आता दोन्ही देशात एक मोठा करार झाल्याची माहिती समोर येत आहे. अमेरिकेने भारतासाठी ९३ दशलक्ष डॉलर्सच्या लष्करी पॅकेजला मंजुरी दिली आहे, ज्यामुळे भारताला अत्यंत धोकादायक शस्त्रे मिळणार असल्याचे सांगण्यात येत आहे. या करारानुसार भारताला ते जेव्हलिन अँटी-टँक क्षेपणास्त्रे आणि एक्सकॅलिबर प्रिसिजन-गाइडेड तोफखाना राउंड्सची नवीन बॅच खरेदी करू शकेल. या मंजुरीअंतर्गत, भारताला १०० FGM-१४८ जेव्हलिन क्षेपणास्त्रे, २५ हलके कमांड लाँच युनिट्स आणि २१६ एक्सकॅलिबर तोफखाना राउंड्स मिळतील. दरम्यान, या करारामुळे दोन्ही देशातील संबंध सुधारण्यास मदत मिळणार आहे.
संरक्षण सुरक्षा सहकार्य संस्थेने या प्रस्तावाची औपचारिकपणे अमेरिकन काँग्रेसला सूचना दिली आहे. एजन्सीने म्हटले आहे की भारताने लाइफसाइकल सपोर्ट, सुरक्षा तपासणी, ऑपरेटर प्रशिक्षण, लाँच युनिट्सचे नूतनीकरण आणि पूर्ण ऑपरेशनल क्षमतेसाठी आवश्यक असलेल्या इतर तांत्रिक सहाय्याची देखील विनंती केली आहे.
हेही वाचा – नवले पूल परिसरातील अपघात रोखण्यासाठी मुरलीधर मोहोळ यांनी घेतली गडकरींची भेट; विविध उपाययोजना निश्चित
संस्थेने म्हटले आहे की, हे संरक्षण पॅकेज अमेरिका आणि भारत यांच्यातील धोरणात्मक भागीदारी आणखी मजबूत करेल आणि सध्याच्या आणि भविष्यातील धोक्यांचा सामना करण्याची भारताची क्षमता वाढवेल. निवेदनात असेही म्हटले आहे की भारत ही शस्त्रे आणि उपकरणे त्याच्या लष्करी पायाभूत सुविधांमध्ये अखंडपणे एकत्रित करण्यास सक्षम असेल.
अमेरिकेने सुमारे ४७ दशलक्ष डॉलर्स किमतीच्या एक्सकॅलिबर गाईडेड तोफखान्याच्या विक्रीलाही मान्यता दिली, ज्यामुळे एकूण किंमत सुमारे ९३ दशलक्ष डॉलर्स झाली. एजन्सीने स्पष्ट केले की या कराराचा प्रादेशिक लष्करी संतुलनावर परिणाम होणार नाही.
अमेरिकन सरकारने असेही म्हटले की या करारात सध्या कोणताही ऑफसेट करार ज्ञात नाही आणि भविष्यात भारत आणि शस्त्रास्त्र उत्पादकांमध्ये असा करार अंतिम केला जाऊ शकतो. आरटीएक्स आणि लॉकहीड मार्टिन यांनी संयुक्तपणे विकसित केलेली जेव्हलिन क्षेपणास्त्र प्रणाली, पायदळांना बख्तरबंद लक्ष्यांवर अत्यंत अचूक लांब पल्ल्याच्या हल्ल्यांची क्षमता प्रदान करते.
