ICCने श्रीलंका क्रिकेट बोर्डाला दिला मोठा धक्का! क्रिकेट बोर्डाचे सदस्यत्व निलंबित
Sri Lanka Cricket Board : आंतरराष्ट्रीय क्रिकेट परिषदेने (आयसीसी) श्रीलंका क्रिकेट बोर्डाचे आयसीसी सदस्यत्व तात्काळ प्रभावाने निलंबित केले आहे. यामुळे श्रीलंका क्रिकेट बोर्डाला मोठा धक्का बसला आहे. आयसीसी बोर्डाची शुक्रवारी बैठक झाली आणि निर्णय घेतला की श्रीलंका क्रिकेट एक सदस्य म्हणून आपल्या दायित्वांचे गंभीर उल्लंघन करत आहे. तथापि, निलंबनाच्या अटी आयसीसी बोर्ड योग्य वेळी ठरवेल.
आंतरराष्ट्रीय क्रिकेट परिषदेने दिलेल्या माहितीनुसार, श्रीलंका क्रिकेट बोर्डात सरकारी हस्तक्षेप खूप होता आणि त्यामुळेच असा निर्णय घेण्यात आला. एकदिवसीय विश्वचषक २०२३ मध्ये श्रीलंकेचा संघ शेवटचा साखळी खेळला गेल्याच्या एका दिवसानंतर श्रीलंका क्रिकेट बोर्डाचे निलंबन झाले. एकदिवसीय विश्वचषक स्पर्धेत या संघाची कामगिरी अत्यंत खराब होती आणि या संघाने ९ पैकी केवळ २ सामने जिंकले होते. त्याचबरोबर ७ सामन्यात पराभवाचा सामना करावा लागला होता.
हेही वाचा – पैलवान सिंकदर शेख ठरला यावर्षीचा महाराष्ट्र केसरी, शिवराज राक्षेला केलं चितपट!
Sri Lanka Cricket suspended by ICC Board.
More here ⬇️https://t.co/3QcLinUPp0
— ICC (@ICC) November 10, 2023
दरम्यान, एकदिवसीय विश्वचषक २०२३ मध्ये श्रीलंका क्रिकेट मंडळातील अडचणींना सुरुवात झाली, जेव्हा संघ भारताकडून ३०२ धावांनी पराभूत झाला. या सामन्यात श्रीलंका संघ केवळ ५५ धावांवर बाद झाला. भारताविरुद्धच्या या पराभवानंतर लगेचच क्रीडामंत्र्यांनी संपूर्ण क्रिकेट बोर्ड बरखास्त केले. मात्र, त्यानंतर लगेचच श्रीलंका क्रिकेट बोर्डाच्या अपीलानंतर न्यायालयाने ते पुन्हा बहाल केले.
