गौतमी पाटील कार अपघात प्रकरणातून निर्दोष ; पुणे पोलिसांनी दिली “क्लीन चिट”
पुणे : गेल्या काही दिवसांपासून लावणी नृत्यांगना गौतमी पाटीलच्या गाडीच्या अपघात प्रकरणावर मोठ्या प्रमाणात चर्चा होत होती. या अपघातात एक रिक्षाचालक गंभीर जखमी झाला होता. जखमींच्या कुटुंबीयांनी आरोप केला होता की अपघाताच्या वेळी गौतमी पाटील गाडीमध्ये होती आणि. या घटनाक्रमामुळे सामाजिक माध्यमांवरून ही घटना मोठ्या प्रमाणात चर्चेत आली होती.
परंतु आता या प्रकरणाशी संबंधित एक महत्त्वाचा अहवाल समोर आला आहे. पुणे पोलिसांनी या अपघात प्रकरणाचा सखोल तपास केला असून, त्यानंतर गौतमी पाटील निर्दोष असल्याचे स्पष्ट झाले आहे. पोलिसांनी अधिकृतरीत्या गौतमी पाटीलला “क्लीन चिट” दिली आहे.
पोलिस तपासादरम्यान सुमारे १०० पेक्षा अधिक सीसीटीव्ही फुटेजची तपासणी करण्यात आली. या फुटेजच्या माध्यमातून अपघाताच्या वेळेचा सखोल मागोवा घेण्यात आला. पोलिसांनी सर्व पुरावे तपासल्यानंतर निष्कर्ष काढला की, अपघाताच्या वेळी गौतमी पाटील गाडीमध्ये नव्हत्या. यामुळे त्या या प्रकरणात निर्दोष ठरल्या आहेत.
हेही वाचा – अतिवृष्टीतील शेतकऱ्यांच्या मागणीसाठी उद्धव ठाकरे मैदानात उतरण्याच्या तयारीत
पुणे पोलिसांच्या अधिकाऱ्यांनी सांगितले की, या प्रकरणाची तपासणी अत्यंत काळजीपूर्वक आणि पारदर्शक पद्धतीने करण्यात आली. सर्व सीसीटीव्ही फुटेजची सविस्तर छाननी करून अपघाताचा नेमका तपशील उलगडण्यात आला. या निष्कर्षामुळे गौतमी पाटीलच्या विरोधातील सामाजिक माध्यमांवरील अफवा आणि खोटे आरोपांवर निर्बंध बसेल अशी अपेक्षा व्यक्त केली जात आहे.
जखमी रिक्षाचालकाच्या प्रकृतीबाबतही माहिती देताना पोलिसांनी सांगितले की, त्याला तत्काळ वैद्यकीय मदत देण्यात आली आणि त्याची प्रकृती आता स्थिर आहे. या घटनेत कोणत्याही प्रकारची गैरव्यवहार किंवा अपायकारक हेतू गौतमी पाटीलकडून नसल्याचे पोलिसांनी स्पष्ट केले आहे.
सार्वजनिक आणि सोशल मीडियावरील अफवा पसरविणाऱ्यांना यापुढे सावधगिरी बाळगण्याचा सल्ला दिला जात आहे. पोलिसांच्या क्लीन चिटनंतर गौतमी पाटीलच्या कारकीर्दीवर आणि त्यांच्या प्रतिमेवर पडलेल्या नकारात्मक प्रभावाला मोठ्या प्रमाणात तोटा बसण्याची शक्यता कमी झाली आहे.
