राष्ट्रपती यांच्या दौऱ्याच्याअनुषंगाने वाहतूक बंद करण्याचे जिल्हाधिकाऱ्यांचे आदेश जारी
पुणे | राष्ट्रपती द्रौपदी मुर्मू यांच्या नियोजित पुणे दौऱ्याच्या पार्श्वभूमीवर कायदा व सुव्यवस्था अबाधित ठेवण्यासोबतच वाहतूक कोंडी टाळण्यासाठी २८ जुलै रोजी मध्यरात्रीपासून ते २९ जुलै दुपारी ४ वाजेपर्यंत मौजे नांदेगांव-सनीजवर्ल्ड व सुसमार्गे पुणे मार्गावरील सर्व प्रकारची हलकी, जड़, अवजड वाहनांची वाहतूक बंद करण्याचे आदेश जिल्हाधिकारी डॉ. सुहास दिवसे यांनी जारी केले आहेत.
हेही वाचा – उपमुख्यमंत्री अजित पवार यांनी घेतला जिल्ह्यातील पूर परिस्थितीचा घेतला आढावा
मौजे नांदेगांव- सनीजवर्ल्ड व सुस मार्गे पुणे मार्गावरील सर्व प्रकारची हलकी, जड अवजड वाहनांची वाहतुक बंद करुन ती नांदेगांव-माले येथून हिंजवडी मार्गे पुणे तसेच नांदेगांव-पिरंगुट-चांदणी चौक मार्गे पुणे या पर्यायी मार्गावरुन वळविण्यात आली येतील. नागरिकांनी या पर्यायी मार्गाचा वापर करुन प्रशासनास सहकार्य करावे, असे आवाहन डॉ. दिवसे यांनी केले आहे.
