SPG इंटरनॅशनल पब्लिक स्कूलचा दहावीचा निकाल १०० टक्के; गुणवंत विद्यार्थ्यांचा थाटात सत्कार
भोसरी : येथील नामांकित ‘SPG इंटरनॅशनल पब्लिक स्कूल’ने दरवर्षीप्रमाणे यंदाही आपल्या शैक्षणिक उत्कृष्टतेची परंपरा कायम राखली आहे. नुकत्याच जाहीर झालेल्या CBSE इयत्ता दहावीच्या परीक्षेत शाळेचा निकाल १०० टक्के लागला असून, ९० टक्क्यांहून अधिक गुण मिळवणाऱ्या २४ विद्यार्थ्यांचा विशेष गौरव सोहळा शाळेच्या प्रांगणात उत्साहात पार पडला.
दिमाखदार सत्कार सोहळा
कार्यक्रमाची सुरुवात मान्यवरांच्या हस्ते दीपप्रज्वलनाने झाली. या प्रसंगी पांडुरंग नाना गवळी , सुनिता माई गवळी, स्वप्नील गवळी, कोमल गवळी, संकल्प गवळी आणि डॉ जयश्री सुरवसे*यांची प्रमुख उपस्थिती होती. शाळेचे प्राचार्य डॉ. प्रवीण गायकवाड यांनी उपस्थित सर्वांचे स्वागत केले.
यशाचे मानकरी
या परीक्षेत शाळेतील विद्यार्थ्यांनी घवघवीत यश संपादन केले आहे. यात प्रामुख्याने:
स्नेहा देओकर : ९६.६% (प्रथम क्रमांक)
योगिनी दुकारे : ९६% (द्वितीय क्रमांक)
अतिक शेख : ९६% (तृतीय क्रमांक)
शिवराज तापकीर : ९५.६% (चतुर्थ क्रमांक)
श्रेया बॅनर्जी : ९५.४% (पाचवा क्रमांक)
एकूण २४ विद्यार्थ्यांनी ९० टक्क्यांहून अधिक गुण मिळवून शाळेच्या शिरपेचात मानाचा तुरा रोवला आहे. सर्व यशस्वी विद्यार्थ्यांचा मान्यवरांच्या हस्ते सन्मानचिन्ह व प्रमाणपत्र देऊन गौरव करण्यात आला.
हेही वाचा – Mobility Training | मोबिलिटी ट्रेनिंग का गरजेचे?
स्वप्नील गवळी यांची प्रतिक्रिया:
याप्रसंगी बोलताना श्री. स्वप्नील गवळी यांनी विद्यार्थ्यांचे कौतुक करत म्हटले की, “दहावीचा निकाल हा विद्यार्थ्यांच्या आयुष्यातील एक महत्त्वाचा टप्पा असतो. SPG इंटरनॅशनल पब्लिक स्कूलच्या विद्यार्थ्यांनी मिळवलेले हे यश केवळ त्यांचेच नव्हे, तर त्यांच्या पालकांच्या विश्वासाचे आणि शिक्षकांच्याo सातत्यपूर्ण परिश्रमाचे फळ आहे. शाळेने दिलेले दर्जेदार शिक्षण आणि शिस्त यामुळेच ही उज्ज्वल यशाची परंपरा कायम आहे. सर्व यशस्वी विद्यार्थ्यांच्या पुढील वाटचालीस माझ्या मनापासून शुभेच्छा.”
तज्ञांचे मार्गदर्शन
शाळेचे प्राचार्य डॉ. प्रवीण गायकवाड यांनी विद्यार्थ्यांच्या यशाबद्दल अभिमान व्यक्त करतानाच, या यशात शिक्षक आणि पालकांचा मोलाचा वाटा असल्याचे सांगितले. डॉ. जयश्री सुरवसे यांनी विद्यार्थ्यांना पुढील करिअरच्या निवडीबाबत मोलाचे मार्गदर्शन केले. विद्यार्थ्यांनी आपल्या मनोगतातून शाळेने दिलेल्या संस्कारांप्रति कृतज्ञता व्यक्त केली.
कार्यक्रमाचे नेटके सूत्रसंचालन श्रीमती सोनल तांबे यांनी केले, तर आभार प्रदर्शनाने व समूह छायाचित्राने कार्यक्रमाची सांगता झाली. या सोहळ्यामुळे भोसरी परिसरात शाळेच्या शैक्षणिक यशाचे कौतुक होत आहे.
महाईन्यूज-X वर फॉलो करा : महाईन्यूजला instagram वर फॉलो करा
”विद्यार्थ्यांनी आयुष्यात मोठी स्वप्ने पहावीत आणि ती पूर्ण करण्यासाठी जिद्दीने प्रयत्न करावेत, शाळा सदैव तुमच्या पाठीशी आहे.”
— डॉ. प्रवीण गायकवाड, प्राचार्य
